Kobe Beef Meat Pie (已結業)

小编觉得佢哋呢个牛肉批真系超级好食，佢哋系用免治牛肉既方法整，一切开就已经有好香嘅牛肉味，而且佢里面有啲洋葱粒喺度，一齐食口感都几丰富下，而且个酥皮层次分明又唔油腻，绝对系味蕾同口感嘅享受。难怪平时咁多人排队仲要一早买晒啦！苹果批有好香嘅苹果味，而且味道亦都唔算太甜，小编就觉得适中啦。而且啲馅料都几多下里面仲有几粒苹果肉喺度添。味道方面亦都好Focus喺苹果上面，所以苹果嘅香味四溢。不过小编估计自己应该都唔会买第二次，因为佢仲未算系最好食嘅苹果批。小编食呢个𠮶阵觉得有少少失望，因为一食落口只系食到好浓烈嘅咖喱味，反而就冇乜牛肉味，虽然佢同神户牛肉批嘅用了基本上都系一样只系多咗啲咖喱味喺度，系咖喱味比牛肉味浓D，所以会盖过左啲牛肉味，因此小编都系钟意食神户牛肉批多啲。