影片
更多
2019-03-15
234 浏览
上次食得太匆忙，而且点咗自己麻麻地钟意嘅牛杂，今次再嚟帮衬，难得可以慢慢食，一定ORDER返啱自己胃口嘅食物~ 今次坐另外一边，可以影到另一角度嘅装修近距离影到富有台湾特色嘅招牌及图画餐单都仲系双面一张过，一面食物一面饮品呢次点返半筋半肉牛肉面，饮品就要蜂蜜芦荟乌龙茶，少冰主菜比想像中快上枱第一时间饮啖汤底先饮得出好有层次嘅浓郁汤底，有唔少香料味，仲有微微辣，好正，自己好少可出街食面会饮汤底，都饮咗半碗牛筋牛肉都好淋，几乎唔需要用力咬，份量足，比例半均，而且超入味！以前出面食过牛筋，好多都有一种唔识形容嘅怪味 (腥？膻？)，总之就令我对牛筋无咩好感，不过呢次呢个牛筋完全无呢个问题，煮到同个汤底一样咁深色，但夹起又见到有啲晶莹通透感，睇见就知炆足火喉，食落口感仲好似超淋软骨，大件又好食，劲LIKE！牛肉吸咗唔少汤底嘅味道，但完全无抢走牛肉原味，食落既有汤底味又有牛肉味，欣赏！个人觉得面底几特别，扁身，索到汤底味，但面身唔会淋，反而食到尾仲保持到爽滑，好神奇！整体觉得成碗面超美味！不愧系招牌菜~ 饮品方面，今次赌中咗！先讲卖相，自然而成嘅渐层效果，配合乌龙茶原有嘅琥珀色，靓靓果然真系纯粹落
上次食得太匆忙，
而且点咗自己麻麻地钟意嘅牛杂，
今次再嚟帮衬，难得可以慢慢食，
一定ORDER返啱自己胃口嘅食物~
今次坐另外一边，可以影到另一角度嘅装修
近距离影到富有台湾特色嘅招牌及图画
餐单都仲系双面一张过，一面食物一面饮品
呢次点返半筋半肉牛肉面，
饮品就要蜂蜜芦荟乌龙茶，少冰
主菜比想像中快上枱
招牌半筋半肉汤面
49 浏览
0 赞好
0 留言
第一时间饮啖汤底先
饮得出好有层次嘅浓郁汤底，有唔少香料味，
仲有微微辣，好正，自己好少可出街食面会饮汤底，
都饮咗半碗
牛筋牛肉都好淋，几乎唔需要用力咬，
份量足，比例半均，而且超入味！
以前出面食过牛筋，
好多都有一种唔识形容嘅怪味 (腥？膻？)，
总之就令我对牛筋无咩好感，
不过呢次呢个牛筋完全无呢个问题，
煮到同个汤底一样咁深色，但夹起又见到有啲晶莹通透感，
睇见就知炆足火喉，食落口感仲好似超淋软骨，
大件又好食，劲LIKE！
牛肉吸咗唔少汤底嘅味道，但完全无抢走牛肉原味，
食落既有汤底味又有牛肉味，欣赏！
个人觉得面底几特别，
扁身，索到汤底味，但面身唔会淋，
反而食到尾仲保持到爽滑，好神奇！
整体觉得成碗面超美味！不愧系招牌菜~
饮品方面，今次赌中咗！
蜂蜜芦荟乌龙茶
16 浏览
0 赞好
0 留言
先讲卖相，自然而成嘅渐层效果，
配合乌龙茶原有嘅琥珀色，靓靓
果然真系纯粹落蜜糖，所以我拣咗正常甜度，
啖啖饮到明显蜜糖味，而且更带出乌龙茶香，好开心~
芦荟肉份量都算多，咬落清甜，为饮品增加风味及口感
呢餐好满足啊！
下次都要再ENCORE！
张贴
