肉餅哥小炒料理 (已結業)

一向觉得食肉饼都系生活嘅一部份，屋企既妈咪会整爱心肉饼，出街食茶餐厅都成日叫肉饼。听闻呢间肉饼哥嘅肉饼好好食又好特别，之前都有听过人哋去荃湾𠮶间食过好正，终于开咗间系大围，路过即就试吓！首先来一个足三两花胶肉饼，哗！一嚟到啲花胶已经盖过所有嘅肉饼，食落啖啖花胶肉又整得好淋好入味，当然主角既肉饼都好好食！加埋个菜饭，个足三两花胶非常之夹个肉饼！再嚟过传统啲嘅土鱿肉饼，虽然望落去清清地，但系土鱿肉饼好香！传统新鲜既肉饼拿来送饭，令人越食越肚饿！其实Menu上边仲有好多好特别嘅肉饼，全部新奇刺激，等我下次出嚟试吓其他新野先！