胡爐 (已結業)

天气冬左🥶，最啱就系打边炉，今日嚟到朋友推介嘅胡炉一试先🤗拣左自己钟意嘅酱料先。系麻辣云耳同手拍青瓜20@，惹味，微辣，作为餐前小食好唔错。泰式无骨凤爪 $78凤爪已经去咗骨，爽口脆卜卜，酸酸甜甜好醒胃，开胃一流。胡椒猪肚花胶鸡锅 $328呢个花胶汤好足料，有猪肚，有咸酸菜，鸡有半只，已经有七成熟，掉落锅渌两渌就食得，鸡肉嫩滑唔嚡口，花胶都有五六片，食多两片劲滋补，女仔恩物，煲过鸡后嘅胡椒汤仲正，加添了鲜甜味，饮完成个人暖笠笠，唔错。极上本地骟牯牛颈脊（中）$388应该系手切，有厚度，肉色鲜嫩，肥瘦适中，入口肉质软腍，满满牛香😍饺子拼盘 $128有云吞，水饺，鱼皮饺，黑松露饺，款款都胀卜卜，馅料丰富，皮薄馅靓，最钟意系黑松露饺，入口散发阵阵松露香，再加埋杂菌，口感好正。蔬菜拼盘 $63有生菜，白菜，娃娃菜，菜心，全部新鲜翠绿，洗得干净，打完边炉食埋条菜就Perfect啦。餐厅环境唔错，私隐度高，食物质素就唔使讲，朋友食完都话正。