影片
更多
2024-08-12
119 浏览
今晚同朋友好想食鸡煲，离远已经比门面招牌吸引到。于是我哋拣咗老板鸡煲火锅放题。舖头门面好干净，员工服务态度良好。餐厅仲设有酱料吧同饮品吧。 本身我哋仲想嗌水果茶，点知饮品吧嘅饮品已经够晒我哋饮！首先上咗热辣辣嘅鸡煲，我哋拣咗中辣觉得啱啱好，除咗麻辣之外辣椒嘅香味索哂入啲配料洋葱大葱度。 特别赞扬呢个锅，有别于平时食嘅鸡煲用既炉具，将啲鸡煎香到焦香得黎肉又好嫩有汁。 鸡煲食到差唔多，我哋就加咗汤继续打边炉。 舖头采用电话落单，我哋叫嘅所有食物都无甩单上齐菜，呢个系食放题入面好值得赞扬。最令我哋惊喜嘅系海鲜拼盘，每日随机五款，今日拼盘入面有鱼、海虾、青口等5种海鲜，全部都好新鲜清甜，一啲都唔腥。第二个重点就系牛肉！牛肉全部都好新鲜好嫩，特别系牛肩胛、鲜牛肉同牛柳粒。肥瘦分明，一啲都冇被鸡煲嘅汤底抢走牛肉嘅鲜味。之后我哋嗌嘅都系各式各样嘅火锅配料。选择好多，而且唔会有啲话无法供应。特别鲜嫩既太子肉配埋薯粉索哂鸡煲嘅汁一流！我哋两位入座，仲送咗即炸响铃一份。并唔系间间嘅响铃都好食，有啲舖头真系炸到好大浸油益味。呢个响铃好香豆腐香味，浸落鸡煲汤底几秒啱啱好，又脆又香。用呢个价钱食到咁高性价比嘅
舖头门面好干净，员工服务态度良好。餐厅仲设有酱料吧同饮品吧。 本身我哋仲想嗌水果茶，点知饮品吧嘅饮品已经够晒我哋饮！
首先上咗热辣辣嘅鸡煲，我哋拣咗中辣觉得啱啱好，除咗麻辣之外辣椒嘅香味索哂入啲配料洋葱大葱度。 特别赞扬呢个锅，有别于平时食嘅鸡煲用既炉具，将啲鸡煎香到焦香得黎肉又好嫩有汁。
鸡煲食到差唔多，我哋就加咗汤继续打边炉。 舖头采用电话落单，我哋叫嘅所有食物都无甩单上齐菜，呢个系食放题入面好值得赞扬。
最令我哋惊喜嘅系海鲜拼盘，每日随机五款，今日拼盘入面有鱼、海虾、青口等5种海鲜，全部都好新鲜清甜，一啲都唔腥。
第二个重点就系牛肉！牛肉全部都好新鲜好嫩，特别系牛肩胛、鲜牛肉同牛柳粒。肥瘦分明，一啲都冇被鸡煲嘅汤底抢走牛肉嘅鲜味。
之后我哋嗌嘅都系各式各样嘅火锅配料。选择好多，而且唔会有啲话无法供应。特别鲜嫩既太子肉配埋薯粉索哂鸡煲嘅汁一流！
我哋两位入座，仲送咗即炸响铃一份。并唔系间间嘅响铃都好食，有啲舖头真系炸到好大浸油益味。呢个响铃好香豆腐香味，浸落鸡煲汤底几秒啱啱好，又脆又香。
用呢个价钱食到咁高性价比嘅鸡煲火锅放题真系好满足。一次过满足晒鸡煲同埋打边炉嘅欲望。
下次一定要叫埋一大班friend再去帮衬！ 到时仲想试埋佢嘅花胶鸡煲，谂到都已经流口水。
张贴
