鳥華亭

营业中

休息中

朋友介绍鸟华亭嘅鸡白汤拉面都几正，就决定去支持一下。店舖位置唔算起眼，位唔算多，七点半左右已坐满，门外都有人排队。入面嘅装修简约，但成个场面都系日式风格。鸡扒汤拉面 $89呢个拉面嘅鸡汤底真系好浓郁，汤头带有一阵浓厚嘅鸡香味，唔会过咸但好鲜甜，饮起上嚟仲有点浆口感觉。拣左卷曲面，面质有嚼劲，最重要系好挂汤，每啖面都吸哂汤底嘅精华。鸡肉嫩滑，配埋呢个香浓嘅汤底，完美。辛辣鸡白汤拉面 $89𠮶个汤底同样系鸡汤，不过多咗一份辣味。呢个汤底除咗有浓郁嘅鸡香，仲带有一阵辣劲，辣味唔会霸道，但食落去会慢慢喺口腔入面散开，令人食得越多越上瘾。𠮶碗拉面嘅面条同样弹牙，辣味同汤底融合得啱啱好。忌廉蟹饼，只系$1！堂食满$100就可追加，真系好抵，外层炸得香脆，入面嘅忌廉馅滑溜溜，但唔会太腻。煎饺子，$45饺子皮薄而脆，入面嘅馅料多汁，带有阵阵香味，煎得外皮金黄香脆，咬落去仲有肉汁溢出，配埋少少醋，正。