Hungry Lobster (已結業)

又系港岛美食团出动嘅时候喇今次又去返铜锣湾最新食点登龙街! 今次唔试近排最兴嘅拉面!今次去返食龙虾包! 其实想来呢一间餐厅食龙虾包好耐最终去到今个月先至有时间同朋友一齐试~呢一间餐厅喺登龙街嘅头位一入去左手边就系佢啦! 一入到去你会见到有个网既装饰喺墙上面，旁边就挂满左好多鱼仔～望一望餐牌你会惊叹原来龙虾可以做到咁多菜式哈哈，俾大家拣嘅嘢食有前菜啦主菜意大利面小食等等另外佢哋仲有烤龙虾牛扒组合，龙虾包牛扒组合 同饥饿龙虾全餐呢三个大嘅套餐比大家选择，其实如果好肚饿，嗌以上三个套餐其实系好抵～既然我同朋友今次来的目的系食龙虾包咁当然就叫咗一个龙虾包($138)再加多两个龙虾汤($58)试一试啦~ 率先上场嘅有龙虾汤在配一片蒜蓉多士，龙虾汤好浓饮落口嘅时候感觉系有龙虾嘅鲜味亦都加上一啲嘅番茄味道但系味道实在系有点过咸如果可以轻手返少少咁样就最好喇～饮完汤之后主角上场了！热辣辣嘅龙虾包～面包系烤得好香嘅牛油软包，上边摆咗两只龙虾钳肉，一口咬落去嘅时候入边嘅龙虾肉全部都好弹牙再配上一个酱汁，感觉简直就系完美！