肉餅哥小炒料理 (已結業)

上网见到肉饼哥既推广，就被多款肉饼吸引住，心思思好想食，所以夜晚特登入大围美林帮衬下。因为晚市真系好多人帮衬既关系，都要等左好耐，大概廿分钟，就唯有一边等一边睇住餐牌先。点知而家个餐牌应该之前调动过，结果晚市已经无左劲多款肉饼，咩椒盐肉饼、好多特色既都无左，好失望。得翻三四款最贵既，挂住肉饼个名但客人黎到无肉饼食，都唔知似咩⋯⋯唯有叫芝士流心肉饼同老干妈肉饼。芝士流心肉饼饭，四方形既肉饼，有相当既厚度，中间夹住芝士，煎完岀黎就流心，肉味岀！老干妈肉饼系蒸既，肉味一样十分够。老干妈既汁都好好味，捞饭一流。总括而言，肉饼质素系好既，奉劝各位想试肉饼既朋友午市去会多好多肉饼拣！