野玩田店 (已搬遷) 新店位置

队长生日饭，本来想食串烧，不过有朋友重感冒初愈，想食d清淡d既野，谂起行过K11新果个corner有间野玩系列既餐厅，朋友睇过都话食到就决定改食呢间。之前都有帮衬过港岛另一间野玩山店，再次帮衬九龙既野玩田店，入去感觉舒服过山店好多，因为地方阔落，而且光猛好多，唔似山店甘黑，食到想训觉。坐低先叫左野饮、汤同小食，我叫左杯香茅荔枝茶，味道就淡左d，不过就有好几粒荔枝𡁻下；朋友就叫左个紫薯汤，上台时大家都哗然，因为个汤好紫下，饮落都好重紫薯味，紫薯迷要试！小食个黑松露甜薯好好味，粒粒蕃薯个面都被甜甜既糖浆包住，食唔停口！再叫左个焗大啡菇，都几juicy，无话焗完干争争；仲有个杂菇意大利饭同肉丸宽条面，我会觉得宽条面好食d，因为个面似以前「麻布x房」既屏屏面，即系似切碎左既千层面，佢大大块，可以沾到多d汁。最后到主菜黑毛猪鞍架，肉质就un左少少，不过就厚切，好襟食！相对上钟意野玩田店多一点，由舒适既环境，到多菜少肉既菜式，田店比山店更胜一筹！