影片
更多
2011-08-13
336 浏览
上楼食肆，踏入门口见到好似一个 party 房放左十多张枱咁啰。早段七时左右得两三枱客，都清静又坐得舒服，可以倾到计。到八点几就已经全场坐满，嘈音劲到耳都有回音呀 ﹗因为系密室入面啰，嘈到头痛 ~ 下次真系要早啲到，早啲走呀 ﹗出品够创新、种类劲多又有水准，欣赏、满意 ~ 起码要去五六次先试得晒呀 ~服务非常一般，侍应们都较为幼嫰同唔熟手 ~ 行到热辣辣，即叫支啤酒降吓火先，发现杯口崩左，咁就麻烦位侍应小妹妹换过只无烂既比我啦，佢攞住只烂杯行去老远既厨房换比我，点解唔系后面张枱攞只杯比我先，之后再行去厨房呢？同我朋友都笑左。数分钟后，侍应小妺妹攞住只新杯返到黎喇，谢谢。但系发现只杯有黑色一点点既污渍，到底位小妹妹有否检查过先呢？今次麻烦位侍应哥哥换杯，见佢应该有一定工作经验，除即系后面张枱攞过只新杯我 ﹗即刻立竿见影，依啲咪用脑、醒目架啰 ~menu 色彩鲜艳，照片吸引，十几种特式汤底未试过，仲有好多创意食材，都唔知黎几多次先试得晒。朋友仔食左野先黎，所以示意只会咬两啖，咁咪即系机乎系我自己食？﹗鲍参翅肚汤底，应该叫做清汤底先啱。饮落都有啲海味既味道，但系好淡，免强接受。跟住我就摷吓咩
服务非常一般，侍应们都较为幼嫰同唔熟手 ~ 行到热辣辣，即叫支啤酒降吓火先，发现杯口崩左，咁就麻烦位侍应小妹妹换过只无烂既比我啦，佢攞住只烂杯行去老远既厨房换比我，点解唔系后面张枱攞只杯比我先，之后再行去厨房呢？同我朋友都笑左。数分钟后，侍应小妺妹攞住只新杯返到黎喇，谢谢。但系发现只杯有黑色一点点既污渍，到底位小妹妹有否检查过先呢？今次麻烦位侍应哥哥换杯，见佢应该有一定工作经验，除即系后面张枱攞过只新杯我 ﹗即刻立竿见影，依啲咪用脑、醒目架啰 ~
menu 色彩鲜艳，照片吸引，十几种特式汤底未试过，仲有好多创意食材，都唔知黎几多次先试得晒。朋友仔食左野先黎，所以示意只会咬两啖，咁咪即系机乎系我自己食？﹗
鲍参翅肚汤底，应该叫做清汤底先啱。饮落都有啲海味既味道，但系好淡，免强接受。跟住我就摷吓咩料先，散筲筲细细旧有海参、鲍片，其他就唔多觉眼㖞，最多系葱啰。朋友仔话饮鸡汤怕燥，唔食得麻辣，鱼汤又怕敏感，普通沙嗲清汤鸳鸯又有啲闷，最后咪试依个汤啰。
顶级手切肥牛，当然要最贵既一只啦，good good good ﹗滑不留口，要注意千奇唔好太熟，粉红色时既口感同味道最好 ﹗香甜美味，牛味浓，正 ﹗
蟹籽墨鱼滑酿鱼肚，佢地改左个较特别既名，但我唔记得左，睇个名系唔会知食咩啰。鱼肚本身有咸味，个人觉得味道太浓，咸左啲啲。墨鱼滑鲜爽弹牙，好味。三种食材并埋既口感丰富又得意，几好。
锦卤炸腐皮，有食肆称炸腐皮为吊铃。可以直接点锦卤汁食，又或者放汤打边炉。个人不太喜欢，麻麻地，其实我唔多好此味，好油腻。。
手打四色丸，鲮鱼滑、猪肉丸、鲜虾丸、墨鱼滑，款款鲜甜美味，口感弹牙。不过系其中一粒猪肉丸内发现有垃圾，好采唔系玻璃 ﹗猪肉丸内发现既碎片，赵赵吓有野硬屈屈又刮口，谂住有骨碎啫，吐出黎仲以为系玻璃，惊鬼死。检查后可能系胶片挂，都有成厘米咁长，好采无事。
鱼三角，招牌菜一定要试 ﹗其实系鱼既下巴。啖啖肉，只有几条大骨，啱晒唔识食鱼或系超绿懒人。可能下巴运动量大，所以鱼肉特别嫰滑兼有赵口，鱼味特浓，好好味，支持 ﹗一客有六只既鱼下巴，朋友仔已好饱喇，咁我唯有一口气食五件，成碟都系骨，放左好耐都无侍应主动帮忙更换，唉。
打到差不多尾声喇，个汤底终于有啲颜色睇吓，不过味道始终挣少少。今次全肉宴，完全无叫过菜，因朋友仔只系咬几啖，而又我实在太饱喇，所以无叫菜，如果有烚菜，汤底会更甜可口。
醉鸡子，由一小时三十分之前刚坐低就即落单既鸡子，到依家埋单先到，经理仲要话入左单又上左枱无得取消，依个咩道理呀？﹗我算数，唔想嘈、唔想动气，食埋就开开心心去睇气。见啲鸡子仲未解晒冻，内里依然入晒雪又硬屈屈，咁就一次过倒晒落个锅度，食埋就问啦。发现除左有火鸡籽外，仲私人醒左几粒新鲜鸡子㖞。颜色特别黄、特别细𠮶几粒就系喇，蛋味格外香浓，口感超棉滑，好易分架乍。依味叫醉鸡子，但无咩花雕香味，梗系啦，都未解冻点腌呀，边有可能入味㖞，新黎架？幸好，鸡子就算无腌都好好味。
张贴
