拍板風味 (已結業)

㖊晚同D波友在旺角打完桌球，一齐揾嘢食，度度都咁逼，要排队至有得食，边有心机排吖？几条友边行边倾，渐行渐远，去咗胜利道，见到有间「拍扳风味」，仲有啲位，立即桩入去。点知一食之下，食出彩虹，好耐未试过食得咁惬意，简直系飞来口福！我哋主力食大闸蟹，一般大闸蟹食得多，呢次竟然有得生食！用花雕加白酒加蒜头生浸大闸蟹，口感跟熟食完全不同，鲜甜无比，齿颊留香。食完一只生，食番几只熟，熟的除了普通清蒸，仲有药膳食法，即加药材和花雕来蒸，据经理介绍，此乃健康食法。至于点解健康，我哋一味挂住食，冇留意经理解释。除咗大闸蟹，白灼牛肉、清汤腩都好正。特别要提一提个糯米饭，可以话系我有生以来食过最正斗嘅糯米饭。食完呢餐，二话不说，我立即订定枱，下星期带老婆同外母乸嚟食，事关佢哋系上海人，最鬼钟意食大闸蟹！