新泰東南亞餐廳 (已搬遷) 新店位置

已经好耐冇食泰国菜啦今次去呢间真系几正，好多菜式都好啱我口味，一定会再去多次！我地叫咗香芒牛油果软壳蟹卷 $88，劲多食，好足料，芒果、牛油果、蟹肉、红萝卜、肉松、蒜片，系甜同咸味之间取得平衡，鲜甜得黎又唔会似甜品，因为有啲蒜香味。第一碟上既就系泰式生虾$98，有5只，大大只，非常推介，因为真系好新鲜，一路有冰镇住，而且有保鲜纸隔住。点返个泰式生虾汁，辣辣地，可以为鲜甜既虾味加多点口感然后就系好期待既马来西亚肉骨茶 $78、咸鱼炒芥兰$72，同埋加咗一碗白饭$20，因为肉骨茶同菜都适合用白饭黎𩠌，先唔会太咸。依个马来西亚肉骨茶同新加坡肉骨茶好唔同，虽然我比较中意新加坡果种，以前系新加坡食过一间好好食就返唔到转头，但系依个马拉肉骨茶都好有佢既独特之处同味道。依只系以药材为汤汁，加猪肉、冬菇一齐煲，岩哂中意药材汤底既人𩠌白饭一流！我个人中意食肉骨茶汤饭。