影片
更多
2019-09-28
638 浏览
Happy Friday 前一日收工后，就同朋友一齐去尖沙咀行街，行到入夜。我地本来想出返旺角食晚饭，但朋友又狂话肚饿，于是就系呢头觅食 😋 尖沙咀真系有好多好吸引既餐厅，我都特登入过黎几次，为既就系食餐丰富高质既午餐或者晚餐～我地行到去柯士甸路，本身打算食韩国菜🇰🇷，但经过「武士拉面」既门口，见到有唔少杂志专栏既美食推介，再加上佢咁特别既店名，我地决定转战日本拉面！😜我地本身真系唔明点解会叫做「武士拉面」，心谂系咪「冇事」揾事黎搞 🤣 原来系自己才疏学浅，呢到每一道拉面既名称，都同日本武士既头衔挂钩，隐含日本历史文化，所以先会衍生出独特既店名。餐牌系以一本几页既小书作为蓝本，囊括左各款特色拉面、小食同饮品，仲有埋精美既插图添，好照顾到顾客既需要 👍🏼呢张自选拉面纸好清晰简洁，先选面既软硬度、油既分量、走唔走葱花同笋等等，有得自由配搭出自家口味 😋每张枱既旁边都放有调味架、筷子筒、牙签同小碟。调味架上放满多款调味料，包括七味粉、豉油同自家制鱼油等等，任君选择。大家可以因应自己既需要同喜好加入适量既调味料，令食物既味道更上一层楼。日式煎饺子（5 只）$30呢碟饺子系名副其实既皮薄馅靓，饺
我地行到去柯士甸路，本身打算食韩国菜🇰🇷，但经过「武士拉面」既门口，见到有唔少杂志专栏既美食推介，再加上佢咁特别既店名，我地决定转战日本拉面！😜
我地本身真系唔明点解会叫做「武士拉面」，心谂系咪「冇事」揾事黎搞 🤣 原来系自己才疏学浅，呢到每一道拉面既名称，都同日本武士既头衔挂钩，隐含日本历史文化，所以先会衍生出独特既店名。
餐牌系以一本几页既小书作为蓝本，囊括左各款特色拉面、小食同饮品，仲有埋精美既插图添，好照顾到顾客既需要 👍🏼
呢张自选拉面纸好清晰简洁，先选面既软硬度、油既分量、走唔走葱花同笋等等，有得自由配搭出自家口味 😋
每张枱既旁边都放有调味架、筷子筒、牙签同小碟。调味架上放满多款调味料，包括七味粉、豉油同自家制鱼油等等，任君选择。
大家可以因应自己既需要同喜好加入适量既调味料，令食物既味道更上一层楼。
日式煎饺子（5 只）$30
呢碟饺子系名副其实既皮薄馅靓，饺子既外皮煎得好香脆，而饺子所用既猪肉鲜嫩多汁，非常香口～ 呢到既饺子🥟系即叫即煎，一定新鲜！👍🏻
一咬落去，啲肉汁四溅，令人齿颊留香😋店内所用既饺子酱汁不带酸味，一啲都唔难入口，可以细细品尝饺子既鲜味 ☺️ 大家食拉面之余，都可以试埋佢既小食🍴
丰臣将军拉面 $98
我点左个拉面师傅推介既丰臣将军拉面🍜，呢个拉面既真身其实系四国香葱油汤底拉面。因为本身真好中意葱蒜既味道，见到咁多葱油，睇见都垂涎三尺！拉面比较幼身，口感弹牙。葱油香气四溢，每一啖汤汁都散发浓郁既香葱味，非常美味。
呢道拉面不但卖相吸睛，味道都一流。除左拉面之外，半熟溏心蛋同埋烧豚肉都好正，下文会有更详细既介绍～🥚🥓
德川将军拉面 🍜 $88
德川将军拉面即系酱油鱼介猪骨汤底，呢个系我平时最爱既口味，今次推介俾朋友食～鱼介豚骨汤头好浓郁，真系充满浓浓既豚肉香味。比起上面既丰臣将军拉面，呢个既肉味更浓郁，豚骨汤鲜美滋味 😋
其实两款拉都都好受大众欢迎，分别在于一种比较清新芳醇，另一种比较浓郁丰腴，大家可以按自己既喜好选择不同口味既拉面～🍜
灸烧豚肉份量亦都好足料，两片厚薄适中既豚肉系真系大过我只手掌，厚度亦都好合心意🍖😍 由于豚肉系灸烧既过程中，脂肪部分既油分被逼出，所以大大减低左食客入口既油腻感，香滑惹味 😋
烧过既豚肉令汤头带有浓浓既香烤味道，再加埋溏心蛋、笋同埋其他配料，令到成个拉面充满多重味道，我地都好中意呢两款别致既拉面。半熟溏心蛋香软流心，蛋味香浓，蛋黄尤其出色，不愧系蛋中之王，令人回味无穷🥚🍳
「武士拉面」系一间有诚意既日式拉面餐厅，佢地一啲都唔马虎，由店铺装潢、菜式到服务，每一样野都做得好足，令食客有宾至如归既感觉。☺️
张贴
