武士拉麵 (已結業)

九龙湾展贸地理位置太隔摄, 冇乜必要事, 一年都唔会嚟一次, 今日嚟听演唱会, 当然系顺个靓便早d入嚟睇下有咩新野食, 喺3楼美食广场兜咗一个圈, 好多店铺都未开或装修紧, 呢间拉面店装修日本style, 又光猛, 好似几吸引。每台都有拉面四宝, 厨师自家特制鱼油、辣椒油、黑胡椒油及胡麻辣椒粉。午餐抵食好多武田将军拉面 ($118 加配温泉蛋+10）奶白色的北海道牛乳汤底, 散发出阵阵的奶香, 上面放满配料; 温泉蛋、甜粟米、日本叉烧、紫菜及蟹柳, 非常丰富。叉烧 ~ 清清的卤水咸及香, 有肥瘦层次, 口感不错, 再肥啲会更美味。温泉蛋 ~流心温泉蛋, 同样用卤水汁浸过, 蛋黄色泽金黄, 入口creamy 软滑。蟹肉 ~ 不是平价货的粉条, 爽甜。粟米粒 ~ 有奶香的甜美粟米粒。拉面 ~ 面质我选了普通, 硬度亦都系选普通, 面质入口软硬适中, 拉面唔太硬, 微弹爽口, 好食平时食拉面汤底, 我通常试2口便算, 今日机乎饮晒, 清香北海牛奶混了猪骨汤底, 我还加了少许黑胡椒油, 微微的黑胡椒辣, 清香而唔太咸腻。