影片
更多
2023-10-13
219 浏览
餐厅装修为休闲航海风，好有南法嘅风情🤣而主打食物睇个名就知，可丽饼crêpe(ed小分享：可丽饼(crêpe)起源于法国西北部嘅沿海城市Bretagne，而传统上当地人食crêpe会加入生果、忌廉等，只要身边有咩就放咩，而且会配上苹果酒(Cider)一齐食)OCTOPUS CARPACCIO ($128)：用橄榄油和柠檬汁腌制的超薄切八爪鱼片，上枱嘅时候真系呆咗，因为个份量对唔住佢个价钱🥲不过老实讲，味道唔错，而且八爪鱼一啲都唔靭，有少少柠檬汁及橄榄香，食落去好开胃LA FERMIERE ($118)：馅料有鸡肉和蘑菇，再用鲜忌廉及全麦芥末酱烹制，令鸡肉同蘑菇好Juicy，连埋充满蛋香嘅可丽饼一齐食，好滋味🥹LES PIERRES NOIRES ($142)：材料用上烟熏火腿、camembert 牛奶软芝士、番茄、鸡蛋，再加少少沙律。我哋都觉得好食，反而冇上面𠮶款咁腻。不过食嘅时候建议连埋烟熏火腿一齐食，因为主要嘅咸味系由火腿到嚟。中间仲有一只好靓嘅蛋黄，整穿个蛋黄后，捞埋所有嘢一齐食，蛋香融和芝士香，令我哋食指大动🤤LE DEFI ($88)：呢个系Highlight of the
(ed小分享：可丽饼(crêpe)起源于法国西北部嘅沿海城市Bretagne，而传统上当地人食crêpe会加入生果、忌廉等，只要身边有咩就放咩，而且会配上苹果酒(Cider)一齐食)
OCTOPUS CARPACCIO ($128)：用橄榄油和柠檬汁腌制的超薄切八爪鱼片，上枱嘅时候真系呆咗，因为个份量对唔住佢个价钱🥲不过老实讲，味道唔错，而且八爪鱼一啲都唔靭，有少少柠檬汁及橄榄香，食落去好开胃
LA FERMIERE ($118)：馅料有鸡肉和蘑菇，再用鲜忌廉及全麦芥末酱烹制，令鸡肉同蘑菇好Juicy，连埋充满蛋香嘅可丽饼一齐食，好滋味🥹
LES PIERRES NOIRES ($142)：材料用上烟熏火腿、camembert 牛奶软芝士、番茄、鸡蛋，再加少少沙律。我哋都觉得好食，反而冇上面𠮶款咁腻。不过食嘅时候建议连埋烟熏火腿一齐食，因为主要嘅咸味系由火腿到嚟。中间仲有一只好靓嘅蛋黄，整穿个蛋黄后，捞埋所有嘢一齐食，蛋香融和芝士香，令我哋食指大动🤤
LE DEFI ($88)：呢个系Highlight of the night 🤩，餐厅嘅甜品最不得了，焦糖雪糕、焦糖香蕉，再加上用牛油焦糖而整成嘅Crêpe，成件事好夹! 我哋叫嘅苹果酒 VAL DE RANCE SWEET ($175/ 枝)，因为苹果酒嘅微酸，完美咁中和咗焦糖嘅甜，而且唔好以为焦糖本身好甜，佢哋嘅甜度真系恰到好处，唔会话食一啖已经顶唔顺👍🏻
CREPE HONEY ($50)：系！冇错，我哋比上面个咁fancy嘅焦糖可丽饼打动咗，把心一横叫多个，顺便饮埋支酒🤣今次我哋叫嘅系最普通嘅蜂蜜可丽饼，估唔到我哋叫最普通嘅可丽饼，反而食得出可丽饼嘅蛋香，再加埋少少蜂蜜嘅甜味，为呢一餐法国菜画上完美嘅句号🥹
如果你系可丽饼达人，或钟意食甜品嘅话，我哋真心建议你嚟呢度挑战一下，唔错的
(P.S 苹果酒有得拣叫甜或不甜(dry)，有杯、Jar、枝选择)
张贴
