畢打奧餐廳

营业中

休息中

毕打奥向上水屹立几十年，西餐嚟讲算系北区嘅老字号。不过家住九龙，好少有机会到北区食饭。上星期六夜晚同朋友聚会，刚巧有机会试下。一去到成个门口都系等位嘅人。虽然已经系八点几，但系都要等咗半个钟先有位，认真做珧夜缤纷！香港人好醒目，依家啲餐厅性价比唔够高都唔会排队等😀讲到食物，我地点咗几款招牌菜，绝对值得推荐！首先系白酒煮青口，青口新鲜弹牙，配上白酒煮，鲜香味美，真系令人回味无穷。每一只青口都好大只，份量十足！炸鱼薯条亦都好出色！鱼肉好难唔系急冻货，但系质素都好好。薯条炸得金黄酥脆，口感丰富，一啖落去嘅滋味真系好好！椒盐鱿鱼须系我地嘅另一个必点菜式！鱿鱼须炸得香脆，外层裹满椒盐，味道咸香，一啖啖咬落去，口感爽脆，真系令人上瘾！最后，烧美国斧头扒系绝对嘅亮点！牛扒肉肥美多汁，搭配烧得恰到好处嘅外皮，肉质鲜嫩，每一口都好美味。真系一道令人惊艳嘅主菜！用餐体验好满意，员工的服务又好好，价钱嚟讲又平过好多不知名西餐。仲有直播紧英超，真系好适合同朋友一齐享受食物同睇波！下次再响北区聚会，一定会过嚟呢度！