影片
更多
2023-01-02
572 浏览
周星驰的食神以试食莫文蔚的嗱喳面开始，该段对白不但滑稽好笑，仲令我了解到1996年(拍摄年份），一碗庙街嗱喳面6个送，已经要23蚊。如果转眼黎到2023年的今日，一个车仔面8个送，只系30蚊，大家会唔会觉得有时光倒流的感觉？讲的就系元朗好出名的车仔面店［许祥顺］。呢间车仔面店座落响元朗广场对出的巴士站，店面没有华丽的装饰，却有络绎不绝的食客。门口系一块醒目嘅黄色餐牌，写住该店嘅车仔面价钱。30蚊8个送32蚊10个送34蚊11个送入到入面，没有修饰得美轮美奂的餐牌，没有琳琅满目的选择，只有一块简单的餐牌贴在墙上的每个角落。我本来系冲住34蚊大大碗黎，怎料入到去仲有个40蚊的全餐，我没有考虑太多，直接点左个全餐黎试下，加一杯红豆冰。等紧面的时候，我好奇地四处张望一下店内，店面唔算大，目测只有30个座位左右，已经有四个店员穿插食客落单同传菜。由食客同店员的讨论的话题：「今日d 豆苗点卖」大概可以估计到好多食客都系熟客。台面上的酱料都好齐全，有醋，垃圾油，茄汁，甜酱，应有尽有，适合各个人的口味。转下眼个面就到，见到有啲惊讶，个碗面真系有八吋咁大，好似食谭仔过桥咁。个面加左d咖喱汁，有少少辣，d
呢间车仔面店座落响元朗广场对出的巴士站，店面没有华丽的装饰，却有络绎不绝的食客。
门口系一块醒目嘅黄色餐牌，写住该店嘅车仔面价钱。
30蚊8个送
32蚊10个送
34蚊11个送
入到入面，没有修饰得美轮美奂的餐牌，没有琳琅满目的选择，只有一块简单的餐牌贴在墙上的每个角落。我本来系冲住34蚊大大碗黎，怎料入到去仲有个40蚊的全餐，我没有考虑太多，直接点左个全餐黎试下，加一杯红豆冰。
等紧面的时候，我好奇地四处张望一下店内，店面唔算大，目测只有30个座位左右，已经有四个店员穿插食客落单同传菜。由食客同店员的讨论的话题：「今日d 豆苗点卖」大概可以估计到好多食客都系熟客。
台面上的酱料都好齐全，有醋，垃圾油，茄汁，甜酱，应有尽有，适合各个人的口味。
转下眼个面就到，见到有啲惊讶，个碗面真系有八吋咁大，好似食谭仔过桥咁。
个面加左d咖喱汁，有少少辣，d送每样都系一至两件，口感同味道同普遍的车仔面档无咩分别，唯独是个猪肠，真系好淋，咬落好香口，而且感觉都几干净。我点左河粉，搭埋d秘制汁，食落都唔差，唔会一夹就散。
而杯红豆冰都唔错，唔会太甜，d红豆好饱满，而且好淋，加上红豆本身加左甜味，饮落好清新。
食下食下，好快就食完碗面，饮埋杯红豆冰，周围再望下。依稀记得20几年前读小学的时候，同妈妈黎元朗都会食呢间车仔面，佢真系都开左好耐啦。呢种满满人情味的小店，卖的不是华丽的装修，美轮美奂的菜品，宾至如归的服务。但黎食面的客人仲系车如轮转，希望呢种满怀香港怀旧特色的小店可以抵受住时间巨轮嘅考验，继续屹立不倒。
张贴
