海安咖啡室 (已結業)

上環一帶有好多老食店，海安肯定係老中之老。睇個門面同大廈外圍就一清二楚。環境：入到裏面反而感覺唔算舊得好誇張，可能有翻新過。格式絕對係老香港茶餐廳設計。兩邊窄卡位，中間細圖枱，開放式水吧。門口有個古董收銀機。可能有好多人從來未見過。服務：以主婦為主。可接受。食物：香葱碎牛炒蛋多士大量葱+滑蛋+少量碎牛。算幾香口。但有點油膩。鍋仔公仔麵無咩特別。純粹係用鍋仔出。整體食物其實係普通茶餐廳食物。無咩特別。但歷史痕跡就唔係其他茶餐廳可相比。