影片
更多
2016-02-02
2538 浏览
又喺我哋一班抛妻弃子嘅死佬，一年一次嘅蛇宴兼团年饭局，上年嘅星厨真喺平靓正、有得睇有得食嘅好玩蛇宴饭局。今年，原本唔喺拣嚟富临，贪佢做紧个蛇宴套餐加多$300就有房，点知后尾又话取消咗，价钱跟之前虽然一样，但就只无咗包房嘅优惠，费事烦就退而求其次，堂座都照去马。因为仲有两个星期就过年，所以，见好多客帮衬，当喺提早团年，目测所见全场爆满。早已订好个秋冬滋补宴，都只喺等齐脚就开餐。而个滋补宴连汤连蛇羹一共9道菜，全包宴，实价$2,680。个餐包一支红酒、两支大啤及6罐汽水。我哋大部份人唔好酒，有啲又要揸车，所以，只留一支啤酒，其他换埋汽水。当喺参考，一支红酒换3罐汽水，一支啤酒则换到两罐，咁换法抵就唔抵架喇 ，不过，汽水大家都觉得啱饮啲。以下出菜先后喺当晚实际嘅次序： 蒜子瑶柱甫 第一道菜就嚟碟瑶柱甫，以生菜、发菜垫底，虽然啲瑶柱唔算好大粒，但味道都浓香，略嫌个茨汁劲杰身。 淮杞乌鸡响螺炖三蛇汤 留意咗成晚，负责我哋附近嘅阿姐主要有两个，帮我哋上汤嘅尽责醒目，拎兜汤嚟仲醒目到滔起少少渣俾我哋相机先食，反观另一位阿姐成晚同熟客打牙骹，成日扮斟茶，懒到咁明显都无经理理佢。呻完不满，
因为仲有两个星期就过年，所以，见好多客帮衬，当喺提早团年，目测所见全场爆满。
早已订好个秋冬滋补宴，都只喺等齐脚就开餐。而个滋补宴连汤连蛇羹一共9道菜，全包宴，实价$2,680。
个餐包一支红酒、两支大啤及6罐汽水。我哋大部份人唔好酒，有啲又要揸车，所以，只留一支啤酒，其他换埋汽水。当喺参考，一支红酒换3罐汽水，一支啤酒则换到两罐，咁换法抵就唔抵架喇 ，不过，汽水大家都觉得啱饮啲。
以下出菜先后喺当晚实际嘅次序：蒜子瑶柱甫
第一道菜就嚟碟瑶柱甫，以生菜、发菜垫底，虽然啲瑶柱唔算好大粒，但味道都浓香，略嫌个茨汁劲杰身。
淮杞乌鸡响螺炖三蛇汤 留意咗成晚，负责我哋附近嘅阿姐主要有两个，帮我哋上汤嘅尽责醒目，拎兜汤嚟仲醒目到滔起少少渣俾我哋相机先食，反观另一位阿姐成晚同熟客打牙骹，成日扮斟茶，懒到咁明显都无经理理佢。呻完不满，讲番个汤，炖三蛇汤好足料，睇阿姐捞碟渣出嚟就知，味道都几醇和。
蛇汤浸时蔬 上依道菜又喺好搞笑，无啦啦嚟个白灼时蔬，隔咗好耐先上埋个蛇汤，佢哋啲服务，尤其出菜真喺乱到不得了，我哋唔喺要求5星酒店嘅水准，只不过喺间正正常常嘅酒楼服务啫。
红枣香栗扣全鸭 鸭内酿咗好多红枣及栗子，味道非常之香，不过，唔明点解上枱前鸭壳已经鎅开咗，而且，食落离奇地鸭肉唔多，讲明全鸭，而且睇落都唔细只，好似好少肉。人哋仙鹤神针，我哋就鲜鸭神「针」，封番鸭肚嘅钢针仲跟埋上碟 ，好彩支针又粗又大，近视嘅都睇到，如果喺细针就大家镬。即时向一位男经理反映，佢除道歉外，即时答允送只烧鹅补偿，咁我哋又唔喺要搞大件事，但求食饭开心啫，不过，希望佢哋啲厨房大佬做菜用心啲啰。
鲜竹五蛇卷 明明喺一围预12人，因为佢都讲明包12人茶芥，但出奇地五蛇卷及瑶桂甫都有14件，当喺卖大包。啲五蛇卷不过不失咁啦，外皮都炸得酥化唔油，但蛇肉好少。
陈皮豉汁蒸大鳝 碟蒸大鳝算得上成晚无咩好投诉嘅菜式，因为鳝肉蒸出嚟滑溜，啖啖豆豉及果皮香。
陈皮豉汁蒸大鳝
49 浏览
4 赞好
0 留言
可能有3窝嘅关系，啲蛇羹原先喺外边枱分好先送嚟，所以，我哋要求另外𠮶两窝摆上枱自己搞掂，可验明喺咪3大窝嘛。虽然足3大窝，但感觉料少，质感都可以，只喺似食普通嘅碗仔翅，而且，劲重胡椒味，得个辣字。
烧鹅 因为「鲜鸭神针」事件，后上嘅烧鹅喺补偿菜式。佢哋嘅烧鹅确喺唔错，虽然，未至于即烧即食咁热辣辣，但都皮脆肉嫩充满油香，皮下脂肪却唔喺多。
支竹羊腩煲（麻辣鸡煲） 我无打错，你亦无睇错，以下依道菜原本喺支竹羊腩煲，但开始上菜无耐有个女经理走埋嚟话无草羊返，做唔到个支竹羊腩煲，唔喺话 ？你无羊腩唔喺依一刻先知啩，朝早打嚟再确认张枱时你哋又唔讲。虽然佢都好有礼貌讲唔好意思，提议话换个麻辣鸡煲俾我哋，仲俾够只半鸡，就算你换够两只鸡都唔喺𠮶会事，扰攘咗一大轮，最后，我哋都喺求求其其勉强接受就算。不过，个鸡煲或许有只半鸡嘅份量，但就肯定喺「杂件」 ，因为我哋专登数住佢，竟有5只翼尖，而且无人话食过脾位，根本就喺一般做小菜鸡球啲杂件位，真喺好无诚意。
腊味糯米饭 除咗个陈皮豉汁蒸大鳝之外，大家都稍为赞吓嘅喺最尾上枱嘅腊味糯米饭，因为饭粒黏糯有咬口，够干身唔太湿，好有腊味香味。
腊味糯米饭
45 浏览
1 赞好
0 留言
原本个餐唔包甜品，再问问之前个男经理可唔可以送啲甜品嚟，佢都好大方，整碟桂花糕凉一凉降下大家心中「怒火」。桂花糕味道唔差，几有桂花香，不过，夹起嚟比较易散。
最后负责收钱个小姐，要求打多张单，都黑面「咀妙妙」，态度超唔掂 ！自从晌网上分享吓饮饮食食之事，又有机会同啲店主文流，知道搞一盘饮食生意唔容易，人工高、铺租贵、食材又花钱；自已有时都煮开嘢，更知道真喺好花心机，所以，出去食餐饭，都会好用心品尝，出食评亦唔会好随意俾个劣评 。晌千多篇食评当中，被评为劣评为数好有限，要小弟出手嘅，真喺要食物差、服务又差、无诚意、做菜唔用心……先俾个劣评佢，「富临」你得咗喇 ！顺便晌度向各位大佬致歉，揾咗间扫兴到甩裤嘅酒楼食我哋一年一度嘅蛇宴！
张贴
