樂面牛屋 (已結業)

前排去完台湾食刨冰食上瘾，个日三点几一个人经过铜锣湾谂住去希云街有名𠮶间食番碗，见街口间有台式嘅仙草芋圆又唔使等位就试下啦，点知落完单无耐听到刨冰机声，以为好快有得食，但等极都未有，当时得四五枱客又唔见其他客人食，无事做等下就等下，落单计前后等咗15分钟，又听到刨冰机声，见其他客人全部都食紧，应该都系我㗎啦，点知又等多成十分钟先送上枱，一睇，啲冰好似剌身用嚟垫底咁，死实一片，只羹要用力拮落去先分得开啲冰，少少松软入口即化嘅刨冰感觉都无，入到口只有粗糙不堪嘅碎冰，仙草芋圆好唔好食都已经唔重要，因为佢注定系一碗失败嘅刨冰 ，可悲！