有蒸氣 海鮮石鍋專門店 (已結業)

朋友推介尖沙咀呢间有蒸气，咁啱今日客人比较少，所以店员招呼都好好，每一碟都会帮我地处理，调校好时间同埋收碟𠮶啲。叫咗呢个二人餐，拣咗个最平嘅餐，食物选择唔系太多，有七款海鲜，两款丸，同埋一款菜，盛惠每位328加一。沙包蚬好细只，而且得几只，好彩冇沙。日本元贝都系比较细只，味道都算几清淡，得少少鲜甜，系比较高质嘅海鲜。姜葱蒸鲜鱿好味㖞！好浓海水味，而且质感非常之好，第一次食咁好味嘅蒸鱿鱼，可惜唔系个餐单入面。美国桶蚝一人一只，都几大只，蚝味唔太出，唔会有腥味，不过都唔算好出色。大连鲍鱼蒸咗之后好细只，加咗啲虫草花上去但系冇乜味，蒸得有啲耐所以非常之韧。金银蒜蒸胜瓜以为有咁多蒜应该好浓味，点知都系还好，好在胜瓜本身甜。手剁猪肉丸同手剁墨鱼丸一人两细粒，都几弹牙同埋食得出系正宗手剁，唔错。汤底拣咗鲜螺竹丝鸡，鸡同埋螺头都系非常之细件，亦饮唔到应有嘅味，原本以为会吸收晒海鲜嘅精华，但系饮唔到海鲜嘅清甜，完全唔知发生咩事。最后食完好肚饿，份量太少，呢间野嘅调味都系比较清淡，价钱算偏贵，环境还可以，食材都系中规中矩。