漁獲浜燒 (已結業)

呢间餐厅都出名用日本直送嘅海产。所以我比较钟意去食，货源新鲜。日本嘅水质比较干净，所以用嚟做浜烧嘅食材就最好。呢支精酒好特别，饮落有少少嘅果香味带甜，几夹到嘅海鲜。系冲绳嘅特产海葡萄/苦瓜/海藻 ，味道带酸醋味，好开胃嘅一款沙律。千万唔好以为啲帆立贝系染色，其实系日本九州特产七彩帆立贝，味道都特别鲜甜。超新鲜刺身三文鱼，吞拿鱼味道较浓嘅一款，活赤贝爽口鲜甜，帆立贝厚度起码有1.5cm，大得夸张，拖罗食落甘香，细细嘅一片，都已经好满足。全部嘅海鲜都好新鲜生猛，见到咁已经洗晒口水，西班牙生蚝味道较淡，但胜在肉质丰厚，加啲清酒酱油就最啱。烧到啲蟹脚胀卜卜咁，新鲜度高，冇雪味。南非鲍鱼比平时食嘅九孔鲍鱼，更加浓味。呢个一定要食，虾肉加虾膏嘅面豉，味道啱啱好，唔会太咸，鲜味攞爆分，加埋弹牙爽肉嘅龙虾肉，仲好食过冲绳𠮶啲。最后就系椰子雪糕，100%椰子味又滑口。可以将日本唔同县市嘅特产，一次过放晒入口 ，真系好满足。