煌爵宴會廳 (已結業)

之前在九龙湾展贸13楼嘅煌爵食过几次，都系公司annualdinner，觉得唔错，所以母亲节晚饭，带咗屋企人嚟庆祝。位置系呢间酒楼最大问题，本身展贸已经偏僻，仲要搭lift上顶楼，出lift要转个弯先到，沿途都系围咗hoarding，好彩有箭嘴指出方向。入到门口被巨型嘅水晶吊灯吸引，装饰都系for婚宴场地，有中式酒楼嘅气派，亦有西式餐厅场地嘅精致，呢种中西合璧，似乎都好适合今时今日新人嘅要求 行上一层楼梯，就会发现酒楼分咗两个宴会厅，我哋被随机安排入咗其中一个。坐向窗边，其实会望到邮轮码头嘅海景，可惜出面太黑，入面太光，睇得唔清楚，相信午市嚟到嘅话，画面会更加震撼。当晚除餐牌上面嘅嘢食，酒楼亦都有唔同款类嘅特价小菜。首先叫咗个陈醋木耳。陈醋嘅酸味，加上木耳滑顺嘅口感，系上佳开胃小食。木耳本身嘅营养价值都好好，可以改善高血压，所以不时食一些都唔错。餐牌写系拔丝凤梨咕噜肉，不过上到碟就冇咩拔丝嘅效果，收据写嘅系凤梨咕噜肉。如果一心想睇拔丝嘅效果，可能就要失望呀。但以咕噜肉去评价，的确又唔错，个汁酸酸甜甜好开胃，肉嘅份量都好足够，肉质有弹性。北海道元贝泡米线系一个比较少喺中式酒楼见到嘅食物。