上海廳 (已結業)

母亲节当然要带妈妈食好野，佢平时最中意食上海野，咁岩屋企附近又有一间好似食评唔错既餐厅，即刻二话不说book左先，去到未人齐都可以入住去先，呢点真系唔错😎餐厅员工好nice，会问食唔食得辣，又会推介有咩多人叫既，等我地唔洗心思思谂咁耐haha，前菜叫左鸡丝粉皮，呢个菜好似好简单，但系都好考功夫架，啲汁太多会太咸，太少又会无味，呢个真系岩岩好炒年糕系必叫既，平时食得多韩式炒年糕，今次试下上海既，另有一番风味，配合埋鳝糊，食得岀两个菜既味道好夹，无论系送饭定系斋食都岩晒，唔会太咸！小笼包皮薄多汁，睇得岀系岩岩新鲜一蒸好就上碟，员工仲会好亲切叫我地小心热，要记得用匙巾榜住食呀，唔系一定会穿，个汁好鲜味，又够热，所以叫多左一笼😂怕唔够饱仲叫多左个炒饭，叫黄金炒饭，真系人如其名，好似黄金咁，粒粒都炒得好干身好香，啲咸蛋黄唔会太咸，成个炒饭都几足料，份量都唔少架，一人一碗仲有剩，可以添下饭，食埋呢个真系几满足，最后仲叫左银丝卷同酒酿丸子，两个都唔会太甜，岩晒追求健康既屋企人总括黎讲，食完呢次之后，我地屋企已经将呢到变左饭堂，每个礼拜点都黎番次😂呢到有好多唔同既菜式，可以逐样逐样慢慢试，就一定唔怕闷