影片
更多
2019-05-25
356 浏览
今日先得闲写食评😅前几日男友补祝请佢妈咪食母亲节大餐，带埋我去，我有口福喇😍～嘻嘻！男友知佢妈咪同我都钟意食海鲜，特登叫咗间餐厅嘅新菜式「原只波士顿龙虾鲍鱼海鲜锅配多士」（哗，个名长到呢～如果唔系有影餐牌都唔记得🙈），不过呢个海鲜锅有一样野我实记得，就系⋯⋯好好味丫丫丫👍🏼😋 未食之前净系见到个锅乍，Auntie同我一齐🤩「哗～哗～哗～」，之后当然梗系相机食先啦😂！影完后，即刻动手食喇！（我见餐厅里面有俾客人用嘅洗手盆，我先会豁出去用手食乍😆）只龙虾好肥美，成旧龙虾肉拉出嚟放入口，一个字「正」！食到龙虾肉好弹牙新鲜，仲有鲍鱼、青口、鱿鱼，正呀喂！除此之外，推荐俾大家必食嘅就系佢哋嘅甜品，超好味！个晚我哋张枱坐近收银柜，而我个位正正望到出菜位，我远望见到老板娘好细心咁刨柠檬，初头我都唔知佢整紧咩，后来佢将份甜品摆上我哋张枱，我先知原来啲甜品系老板娘自己亲手整，真系不得了～好味到我想问下佢可唔可以教我点整🤣Auntie同我对呢餐非常满意，见到Auntie影咗好多食物相，仲即刻upload上网俾朋友睇，佢笑得好开心，佢开心时男友同我都好开心😁😁😁👏🏼👏🏼👏🏼
张贴