金龍海鮮酒家

营业中

休息中

食海鲜既好选择，相信都话推介西贡，鲤鱼门等等，今晚带埋Monkey baby一齐黎庆祝母亲节，大家一齐食餐好既，去鲤鱼门食海鲜！母亲节泊车好难呀，周围都系车，我地揾左好耐先有位！牡丹虾刺身: 有四只大虾刺身，下面有堆冰托底，十足十日本刺身咁！本地既海虾同日本既牡丹虾真系唔同，呢个虾肉质好结实，咬落去无松既感觉，而且有海水味，咸咸地咁，好新鲜。我钟意佢唔连虾肉，净系得虾肉，唔使拆壳，连手都唔使污糟架！蒜蓉粉丝蒸扇贝:四只大大只，扇贝好清甜，肉质结实饱满，一啖咬落去大大旧肉，咬都有排咬㖞！扇贝好新鲜，但系有少少韧。蒜蓉差左少少，因为d蒜蓉只系系扇贝上面，碟上面一d汁都无呢！仲想捞下饭tim！原只椒盐濑尿虾: 一上菜就觉得，好热气㖞！但食落又唔觉，因为有大量椒盐，所以好香口。濑尿虾大大只，新鲜腌制，肉质鲜美饱满，色泽又靓，因为用椒盐制造，所以脆卜卜，香醇酥软。芝士龙虾焗伊面:平日酒楼都有呢个菜，但系永远都系白雪雪咁，但呢个伊面，焗既表现好出色！上到菜真系有焗既感觉！(虽然我觉得呢个有d似咖哩伊面)。芝士味浓厚，但系唔腻，值得一赞！龙虾肉厚，鲜味比芝士味盖过了，所以唔系太食到，龙虾钳都相当大只