楓林小館 (已結業)

是日母亲节，作为仔女无论平时几咁忙都好，点都要抽啲时间去同屋企人食一餐饭。住咗大围已经超过廿年，成日经过枫林门口，都有一大堆靓车泊响外面，究竟有乜嘢咁吸引呢班豪客呢？所以藉呢个佳节同屋企人一齐试一下。踏入大厅，装修古色古香，好似外国唐人街餐馆格局。望一望啲牌匾，原来枫林已经开业三十几年，响呢区可说是老字号。之前睇过吓啲食评，话乳鸰、虾子柚皮、椒盐中虾最出名。不过我今次点菜随心出发，简简单单叫咗三𩠌一汤，包括「咕噜虾球」、「荔芉香酥鸭」、「清炒西兰花」及「蟹肉粟米羹」。入馔嘅都系真材实料，如粟米羹中嘅蟹肉都几多，间唔中仲有啲蟹黄添。虾球炸得恰到好处，外面炸到有少少脆，但系虾肉本身仍然十分爽脆鲜甜，醋唔会落得太过份，酸酸地都几醒胃。香酥鸭烹调嘅时间比想像中耐好多，初时都误以为落漏单。结果三催四请终于出场。外表金黄松化，芉头够粉够淋，鸭肉亦炸到连骨都脆晒，可以食埋落肚。饭后送嘅红豆沙用料唔吝啬，唔会水汪汪。叫得做老店，服务质素有阵时都需要迁就一下。席间隔离台与侍应因菜等到太耐而争论是否落漏单，顾客连番质问，侍应须不致于拂袖而去，但亦有点气冲冲。香港人，轻松一点吧。埋单计五百蚊，不算平，但味道