金記客棧 (已結業)

母亲节一家大细睇睇戏，买完飞未够钟一齐试下隔离新开金记客栈。入边装修都唔错，三个人坐得舒舒服服，打开menu拣左几款金记冰室无既试下，避风塘焗中虾几惹味，够晒香脆可连壳食，最啱我呢d懒人。避风塘蒜香炒辣蟹无记错仲有椒盐、咖哩拣，隔离枱就叫左椒盐，唔系我八卦人地，系因为坐系隔离都闻到劲香，即时有d想转軚，话口未完就黎左，唯有下次啦。避风港炒都好味既，蟹肉本身够鲜甜，但觉得辣方面可以重手返d。明炉烧鹅例牌张相影得衰，其实三个人好够食，另外叫左两个白饭share差d食唔晒，无计啦，要留肚夜晚食大餐嘛。话明明炉烧鹅，下边坚有明炉，鹅皮够晒香脆，口感好过出边好多舖头，最起码我Like。最后埋单三佰头，唔系贵啦又虾又蟹，好食就抵食。