貴德宮私房素宴

营业中

休息中

由于奶奶系素食者，我哋两家人一齐嚟咗贵德宫食母亲节午餐。先嚟嘅系头盘，中间嘅青瓜沙津汁酸酸甜甜好好味，仲有鲍鱼好像真，连个底都整到好似真鲍鱼咁有少少黑色，口感弹牙唔似出面一般嘅素鲍鱼咁，有惊喜。跟住系福袋冬荫功汤，福袋面有啲杂菜丝咁，汤都不错。有长老唔食得辣佢哋即刻换咗个唔辣嘅红菜头汤，好贴心。炸物有云吞同炸蚝。云吞有少少碱水味，但蚝啲味好似真!面啲紫菜就系精髓烧茄子入面酿咗啲素肉，都几香口好味。衣个杂果炒杂锦我就唔喜欢了，酸酸的有啲姜味，唯一好味系入面有啲炸山根咁嘅少少脆咁有啲似咕噜肉。衣个蕃茄芝士饼味系几好嘅好似pizza咁，但自己觉得下面用块米饼有啲hea...老火汤冇肉都好甜呀。咖哩入面有薯仔，鱼旦，牛丸，好似真的!咖哩都唔系好辣，配多士，饭都可以免费添食。枸杞豆腐配红菜头汁，枸杞本身有啲苦，豆腐就好滑嘅，整体就普通啦。最后有桂花糕做甜品，有杞子同有啲龙眼味，少少咬口唔系一般大菜糕，应该系蒟蒻。佢会keep你个电话等下次再嚟会煮唔同嘅菜式的。母亲节都冇乜加价算系咁。下次再嚟睇吓有咩惊喜。