Lion Rock (已結業)

母亲节订咗一个四人餐，$3200几有85折。首先，麻烦餐厅负责人ray帮我签收送俾妈妈果紥花。嗌左两杯鲜榨苹果加雨衣甘蓝果汁，另外整左两杯cocktail ，一杯玫瑰加绍兴酒，一杯柠檬汁沟其他酒，都系有啲干冰出下烟咁，打卡影相ok。头盘有烧味，叉烧，烧肉仲系暖既，烧肉个皮脆，叉烧软稔，好味，海蜇熏蹄都OK。竹笙蟹肉荟燕窝，淡而无味，好似饮紧滚水，其中一碗有头发。虽然即刻替换，但已经有唔好嘅印象。龙虾伊面，龙虾啲肉好爽，面都几好食，依个算系唔错，龙虾应该系新鲜嘅。豉油鸡，姜蓉够碎好味，只鸡都几入味，啲肉好滑，烧味真系做得唔错。海星斑，鱼肉鲜甜弹牙，好。鳗鱼炒饭，个鳗鱼汁好甜，好似食紧儿童餐咁样，唔系好夹，我唔系太钟意，啲饭又湿粒粒咁。鲍片辽参，海参好味，炆得好入味，鲍片冇咩特别，同罐头𠮶啲差唔多。本来果餐甜品系送桃胶，同餐厅倾过之后，转咗做杏仁茶，暖暖地几好饮，好香杏仁味。我唔系太钟意寿包入面配红豆，不过红豆系软林林嘅，红豆蓉系OK，入面保留到一粒粒红豆，但寿包我都系中意传统既蛋黄加莲蓉。服务好好，餐厅帮我惊喜出扎花俾妈妈，俾咗个开心回忆佢，系一个开心嘅母亲节，值得同妈妈嚟㗎。