影片
更多
2008-05-17
20 浏览
同妈子补祝母亲节，最后决定离左呢到食餐好既lunch。前一日book定左两位既sushi bar，比预定时间早左十五分钟左右去到，一去到有位，坐正sushi bar既正中间，对正大师傅。睇餐牌谂都冇谂就一人叫左一个16件自选set，包括有前菜同蒸蛋。返离既其中一个原因就系要食佢呢到既蒸蛋，太好味了。寿司我点左既有︰中とろ x2，はまち﹙油甘﹚ x2 ，しまあじ ﹙深海池鱼﹚x2 ，鲭，鲈，いくら﹙三文鱼籽﹚，海胆，いわし﹙沙甸﹚，平政，赤贝，甘海老，帆立，石鲷。参考过之前食评，今次请师傅将三文鱼籽同海胆最后先上。师傅亦都好细心地答应了。总括离讲材料都系新鲜既，而且水准keep得好好，同上次差唔多，品质算系稳定。觉得特别好食既包括有︰->中とろ ︰呢个必食，同妈子两个都大赞。到宜家都仲回味紧佢入口既溶既果种口感。其中一件仲好似之前睇过既一本寿司书咁，个切法系将鱼肉切成一半赤身，一半中とろ ，口感好特别。望住眼前材料柜果几块大とろ鱼件，决定下次有机会要另外叫件大とろ＾＾->石鲷 ︰呢个好过上次，肉质新鲜，而且好有咬口。->海胆 ︰佢
前一日book定左两位既sushi bar，比预定时间早左十五分钟左右去到，一去到有位，坐正sushi bar既正中间，对正大师傅。
睇餐牌谂都冇谂就一人叫左一个16件自选set，包括有前菜同蒸蛋。返离既其中一个原因就系要食佢呢到既蒸蛋，太好味了。寿司我点左既有︰
中とろ x2，はまち﹙油甘﹚ x2 ，しまあじ ﹙深海池鱼﹚x2 ，鲭，鲈，いくら﹙三文鱼籽﹚，海胆，いわし﹙沙甸﹚，平政，赤贝，甘海老，帆立，石鲷。
参考过之前食评，今次请师傅将三文鱼籽同海胆最后先上。师傅亦都好细心地答应了。总括离讲材料都系新鲜既，而且水准keep得好好，同上次差唔多，品质算系稳定。觉得特别好食既包括有︰
->中とろ ︰呢个必食，同妈子两个都大赞。到宜家都仲回味紧佢入口既溶既果种口感。其中一件仲好似之前睇过既一本寿司书咁，个切法系将鱼肉切成一半赤身，一半中とろ ，口感好特别。望住眼前材料柜果几块大とろ鱼件，决定下次有机会要另外叫件大とろ＾＾
->石鲷 ︰呢个好过上次，肉质新鲜，而且好有咬口。
->海胆 ︰佢既海胆分北海道海胆同海水海胆两种。餐叫既系海水海胆。真系好海水味，好有刚系海边捉上离食既感觉。但妈子就唔系太中意呢个味。之后听到师傅同侍应生讲冇晒海水海胆，同枱客讲转贵d既北海道海胆，有d羡慕果枱客呢^^
->鲭 ︰一向对呢个要求都好高。系香港想揾件好食既唔易。呢到既水准算系中上啦，但味道稍为唔系太够。
->沙甸 ︰刚刚踏入食沙甸既梅雨季节，叫左一件来试试。呢个反而只是一般，唔够新鲜。可以更好。
->油甘 ︰虽然宜家已经过晒食油甘既季节，但由于自己真系太爱油甘，所以明知错既都要叫件离食。虽然都系油甘，但「はまち」当然始终唔够冬天既「ぶり」正，但都算唔错啦。
服务方面无论系侍应还是师傅们都好体贴到客人既需要，当有唔明时，侍应生好主动地走过离为我地讲解寿司纸上既鱼种。添茶既时机亦配合得很恰当。而师傅们亦很耐心咁听取每位客人既要求，而且上寿司时间亦刚刚好，刚食完其他，两种后上既三文鱼籽同海胆刚刚整好送到我地面前。实在值得加分。
继续系我最爱既寿司店之一。一定会有下次，而且宜家已经好挂住，相信好快又会再次拜访
张贴
