泰金國 (已搬遷) 新店位置

母亲节到处都系人，一早6:30就去排队等入去，等左15分钟就可以入去啦，地方系细，坐得唔系好舒服，枱与枱之间空间不多，枱又细，但因为我觉得呢间系九龙城最好食嘅泰国菜，所以点我都会嚟食😂食到730，已经见到好多人系出面排紧队，心谂好彩早啲到。。。冬阴公汤，有分大同细，2-4人饮细都ok,味道酸酸辣辣好入味，而且非常足料，有3，4只虾添👍烧猪颈肉，一般般，冇乜特别烧牛肉，呢个系我其中一个最期待嘅送，好少泰国菜有呢样𩠌，牛肉味浓，软软林林，配埋个汁，少少辣好滋味👍👍👍烧鸡翼，呢个系我第二个必叫嘅𩠌，烧得岩岩好，鸡翼又腌好入味，我见每一台客人都有叫✌🏻✌🏻✌🏻咖喱蟹，只蟹应该系肉蟹，好大只好多肉，而且好新鲜好鲜甜🥰咖喱汁捞饭可以食2碗！