高高酒家 (已結業)

除了饮宴、越来越少机会去传统中式酒楼家庭聚餐。今次去了旺角边缘的「高高酒家」，庆祝母亲节。看评语不俗，试吓先！赖尿虾非常出色。已经脱壳、用薄浆炸。里面神奇地包住肉汁。不过话说回来，赖尿虾难剥壳，但系帮佢做柔软体操、千辛万苦剥完壳、舔手指果下风味，又系好独特嘅。冰镇咕咾肉。非常脆、亦系唔干，味道好。不过份量比想像中细。龙趸两食，呢味炒球好好食。唔理仪态顾唔到其他人未食，我食左两旧。忘记了正名的「招牌鸡」，极度普通，可以略过。鸡煲翅。汤底正，翅唔得。好多系连住肉的部份，唔靓。乳鸽，一般。冇睇餐牌，估计系蚝油柚皮，ok。豉汁炒蚬，腥嘅，全晚最失败之作。最后，「午餐肉蛋白炒饭」。正到不得了！！呢味小朋友食物，好多大人抢住食。开开心心又一餐。老人家大病初愈，可以一家人坐低食饭，已经系好大嘅幸福。