一生懸麵

营业中

休息中

想试左好耐嘅拉面店，今日得一个人，一点钟黎到有吧枱，终于可以试到了！叫左鱼介豚肉沾面，直接交单俾厨房，等一等就有得食。满满的一个小碗的面，面上面有一点点像荞麦的粿粒，面上平放著的并不是叉烧，而是两块炙烧过的五花腩片，半只半熟蛋，几片笋，还有一小瓣青柠。面本身已经有味道，像是酱油煮过，有淡淡咸香味。(变左语体文，好似有味道啲😝！)（变返口语先）沾面汤比平时食开嘅无咁杰，似系好浓嘅日式豚肉菜汤，即系日本早餐食饭团跟嘅果碗豚肉汤，汤好香浓，见到有大葱同洋葱，仲有两旧煮到好𣺉嘅五花腩！面头有鱼介酱。就咁饮都好好味😋，不过未系好食到鱼味。再同面一齐食，食到鱼味喇！因为汤唔杰身，其实似汤面，因为浓，所以都挂到上面度，面质适中，唔硬唔𣺉，有少少弹牙，加埋啲汤，滑捋捋，口感一流！试下个炙烧五花腩，因为烧过，中间嘅肥膏有少少溶，充满油香！唔敢食肥野嘅就走宝！虽然唔系好知粒青柠点用，点都唧少少落面同五花腩上试下。落左之后腩肉无咁油，清新左啲，面就有啲酸，但沾啲汤食，鱼味又浓啲㖞！系另一种味道。最得我饮晒啲汤，虽然真系有啲咸😅，但成碗面每一啖都好好味，好享受，好满足的一餐！😋