城中小閣 (已結業)

之前佐敦返工, 中午成日来开餐, 贪呢度好食又健康, 招呼又好! 转左新工后, 几个月无来开饭, 甘啱新年约了亲戚, 就拣了来城中小阁。睇下餐牌, 问部长点解最近多咗甘多新菜式, 原来佢地请多左个厨师! 话而家有啲唔贵又正嘅精品美食!第一味系: 小食：烧汁煎焗鲜淮山有少少酱油, 热食嘅, 煎到外脆内软! 估唔到可以咁食椎山, 系好健康又好食嘅一味前菜!第2味: 淮阳玉液浸花尾𧄌见到佢按鱼的种类重量收费, 心谂应该唔平。但一条龙𧄌只系328蚊! 酒楼清蒸都要啦! 佢仲要炸埋,加鲜腐竹同杞子煮汤, 炸完条鱼里面好嫩, 唔讲以为系清蒸! 啲汤系坚系鱼汤, 唔系味精汤架! 我地饮哂一滴不漏!第3味: 红炆牛肋骨牛肉好厚, 但好软腍腍! 好似西餐食牛扒甘, 锁住哂啲肉汁喺里面! 靓牛扒!第4味: 上汤浸时蔬点都要有返碟菜, 清清地, 上面有啲肉碎, 唔错!第5味: 糖醋金沙骨似系精品嘅糖醋肉排! 好好食!!! 酸酸地好开胃! 肉质又腍!真系想问下佢点整!第6味: 马蹄糕最后食个甜品才叫完美。谂住就新年叫返个马蹄糕应下节... 估唔到又有惊喜! 好多马蹄喺入面, 又唔多糖, 食到马蹄嘅清甜味! 正