雅士餐廳

营业中

休息中

由细到大都系住喺联和墟，大个咗搬咗出去住有时都几挂住联和墟嘅嘢食。依几年都好多人钟意入去联和墟揾嘢食，二联和墟嘅西餐厅选择唔系太多，一间系我由细食到大嘅餐厅，全家都帮衬咗佢好多年，见有机会同老窦撑枱脚，就去再试下佢啲扒。老窦叫咗个镬仔牛柳餐，我就叫咗个银雪鱼配西冷扒餐。不得不提佢个罗宋汤真系好好饮，辣辣地而且好香浓，食得出佢系煮咗好耐，所以次次嚟都一定会跟餐饮佢个汤。试咗老窦几旧镬仔牛柳，都好有牛味，而且易咬又唔会有梳打粉味，都几出色。我自己𠮶份银雪鱼都算唔错，鱼肉都够滑同埋够香，块西冷扒都肥瘦适中，口感都算唔错，唔会过熟过生。最尾仲送多个啫喱或者雪糕，为我嘅回忆一餐画上一个完美嘅句号。不过回忆就真系唔系太平啦，以前食好似$100就可以走，依家一个餐都加到$200啦，百物腾贵，都冇办法，好在佢价钱贵左但系食物质素都仲keep得住，所以都已经叫唔错㗎啦。