影片
更多
2019-11-07
301 浏览
今日同朋友weekend食lunch~放假梗系要食好D啦BOOK左铜锣湾既鮨幸期待左好耐呀我地2个人～一入到去就安排左我地坐卡位 环境好好呀 成间铺都系系用木做主题坐BAR台仲可以望到师傅既手势第一时间梗系睇下有咩食啦我地简左omakase sushi Set 12贯＋卷物 $448同埋和牛'当'$268点左无几耐～第一样送沙律呢个沙律好好味 有D芦荟粒系上面 好清新，我印象中既芦荟都系苦苦地 不过佢系好清甜 好想食多几粒 唔洗太多调味，但食到样样食材都好新鲜食完周围望下 发觉佢有个天台露天AREA好靓夜晚系出面食应该好正 而家就秋天凉凉地但中午都系留系室内好D跟住就系茶碗蒸，唔系讲笑呢个蛋好滑溜溜 超高质 佢上面放左一层献 味道岩岩好唔会太咸或者唔够味入面仲好足料，有鱼有虾有冬菇有样不知名既鱼 味道好似三文鱼 劲重鱼油味 好鲜甜自制姜片同WASHIBI～终于上主菜寿司啦由左边数起系带子、平政鱼、秋刀鱼、池鱼等等店员提我地要由左边开始食到右边，但中间秋刀鱼要留到最后因为味道比较浓每件寿司力度都握得岩岩好，而且饭好细旧 料对比起系好多 带子完全无雪味 加少少酱油已经好提鲜 平政鱼淡淡地无
我地2个人～一入到去就安排左我地坐卡位
环境好好呀 成间铺都系系用木做主题
坐BAR台仲可以望到师傅既手势
第一时间梗系睇下有咩食啦
我地简左omakase sushi Set 12贯＋卷物 $448同埋和牛'当'$268
点左无几耐～第一样送沙律
呢个沙律好好味 有D芦荟粒系上面 好清新，我印象中既芦荟都系苦苦地 不过佢系好清甜 好想食多几粒
唔洗太多调味，但食到样样食材都好新鲜
食完周围望下 发觉佢有个天台露天AREA好靓夜晚系出面食应该好正 而家就秋天凉凉地
但中午都系留系室内好D
跟住就系茶碗蒸，唔系讲笑呢个蛋好滑溜溜 超高质
佢上面放左一层献 味道岩岩好唔会太咸或者唔够味
入面仲好足料，有鱼有虾有冬菇
有样不知名既鱼 味道好似三文鱼 劲重鱼油味 好鲜甜
自制姜片同WASHIBI～终于上主菜寿司啦
由左边数起系带子、平政鱼、秋刀鱼、池鱼等等
店员提我地要由左边开始食到右边，但中间秋刀鱼要留到最后因为味道比较浓
每件寿司力度都握得岩岩好，而且饭好细旧 料对比起系好多
带子完全无雪味 加少少酱油已经好提鲜
平政鱼淡淡地无咩味 胜在好柔软
池鱼味道比较出，但呢系列都系味道唔会太浓既鱼，好味！
最后不得不赞系秋刀鱼 其实我好怕食秋刀鱼好多铺头点整都腥腥地
唔腥之余 食到正宗既秋刀鱼，原来系超好味嫁！连质感都系好软熟
中意食刺食既 会一改你对所有鱼类既印象
由左边开始炙烧吞拿鱼腩、大拖罗、吞拿鱼寿司、甜虾寿司、安康鱼肝寿司、马粪海胆寿司
一上菜马粪海胆、鱼肝同甜虾都超抢镜 足料得好夸张
海胆一放落口 同日本食到既海胆一模一样味 仲要军舰下3分2都系海胆
成个口都系海胆既感觉超幸福
炙烧吞拿鱼微微烧一烧 好香好吸引食欲
大拖罗入口即浴 吞拿鱼似即㓥即食 甜虾系好水嫩甘甜 鱼肝好多 入口甜甜地而有肝既独特香味！无一样可以弹
卷物系吞拿鱼蓉金铂手卷，中间吞拿鱼蓉加左粒粒类似腌罗白 翠既紫菜配埋个口感几得意
黎埋个和牛饭，中间温泉蛋捞埋一齐
配埋本来肉质肥瘦刚好既和牛 好JUICY啊 加埋个饭汁同埋好多菇类做配菜 成个饭都好好味 不知不觉会食好多！
面豉汤加入左几似类似条状豆卜 吸满碗汤既精神 仲有粒大蚬系里面
食到呢度已经劲饱 仲有碗细细暖乌冬 好彩两淡就食得完
最后甜品有得简曲奇或者芝麻，雪糕唔算好浓 冰冻既雪糕岩岩好清晒所有味蕾
做一个好好既午餐总结 总括黎讲 鮨幸真系好高性价比
下次一定要黎食饭餐 坐佢个露台位！
张贴
