海老の髭 (已結業)

专营新潟料理的海老之髭，位于铜锣湾一栋新大厦，专登去食土锅饭。 餐厅有3款套餐，＄580、＄680、＄780，又刺身、又寿司、又和牛、又天妇罗，其实我净系想食饭同埋鱼，所以散叫。经理提我，佢哋主要做套餐，所以唔叫套餐的话每人要收＄50前菜同甜品钱。我都唔知佢个「主要」系点嚟，单点项目多到不得了。我估佢哋唔想啲cheap 精去叫一个饭，一份甜蛋就走啩，咁不如set 每人最低消费啦，个前菜同甜品又难食。 叫咗几款刺身，火灸赤鯥鱼刺身、同针鱼，针鱼好食，赤鯥鱼唔系唔好，鱼肉结紧、肥美，但切得太厚，火灸又烧唔起啲油份，有啲嘥，早知叫烧鱼，海胆好甜。釜炊真鲷土锅饭（＄180)，鲷鱼份量好少，得半边鱼头，不过煲饭好好食，新潟越光米并唔系浪得虚名，米饭软糯、绵密又带嚼劲，要咁作状先形容到。一煲饭足够4个人，每人一大碗。餐厅提供一壶清汤、溃物、wasabi，食到咁上下可以变茶渍饭，食净一半，打包；煲饭系佢哋最大卖点。 此店与大厦皆刚落地，装修雅致，似走高档典雅路线，不过服务只是一般，侍应新手、经理问一句答一句 ，没有人斟酒，食物上枱后放低就走，咁样是做唔到高级餐厅的。另外， 不知是否已届收舖时段，厨房