印尼沙爹屋 (已結業)

红磡黄埔新邨呢头出哂名多野食，但小食店都转手转得好快，感慨做生意很不容易。千想万想都想不到，位于筲箕湾东大街的印尼沙爹屋会开分店开到来红磡呢度。那间分店真系几时都咁多人排队食串烧，仲要远处都已经香到爆！今次红磡的街坊有食神啦！新店的装修比起老店新净好多，感觉上卫生多。门口有电视播住各式媒体介绍。发现除了卖沙爹，仲有卖而加兴的珍珠奶茶之类的手调饮品，同埋台式炸鸡排之类的小食。或者都想开拓下多啲生意。今次我食左一串沙爹猪肉同一串沙爹鸡翼，中辣。因为真系要现场即烧，所以都等左好一阵子。无办法啦，想食新鲜的串烧都要等下啦！见到师傅仲帮我将啲烧㶶左鸡翼的部份剪走去，好细心，然后淋上沙爹汁，正呀！鸡翼完全系外脆内软，好多肉汁流出来，肉好滑，皮劲脆，配上那自家制，浓浓的沙爹汁，相信里面有好多香料炒制，好香花生味，点埋啲汁，真系太好吃了！还有那串烧猪肉，肉很淋滑，都是烧得好香口。最后好想＂奶＂哂啲汁去！　老板还好好人好友善～赞～短短的用餐体验，带来大大满足感。支持小店，之后会继续多啲来～