雅苑餐廳 (玉龍樓) (已易手) 新餐厅

每个人屋企附近总会有一间饭堂，𠮶间食堂唔需要特别出众，唔需要做到米芝莲级数，唔需要做到啲伴碟挑剔晒花，食之前要影吓相先，只需要在你唔知想食乜嘅时候，你就会谂起不如去食XX啦，近近哋。点解你屋企附近有咁多间餐厅，偏偏你肚饿嘅时候，唔想去咁远，唔想特别谂食啲乜，就净系会谂起佢，佢唔一定要特别好味，但要近，最好在你屋企楼下，仲要系价廉物美样样精，今日忽然之间想食扒，会谂起佢啲铁板牛扒系唔错的，有心血来潮想食小炒，又会谂起佢啲小炒好够镬气，有朋友来作客，近近地叫外卖都系叫呢间，而朋友嘅comment一般都会系「都Ok㖞！六七十蚊又唔贵㖞！」睇相就知平平无奇得嚟又平又几好味啦！味道：环境：服务：特色：泊车：（元朗市中心，唔好谂）评语：如果我住附近，雅苑绝对符合饭堂嘅条件。