鼎皇臭臭鍋 (已結業)

系尖沙咀做完运动随便逛逛觅食，再黎多次encore呢间一人一锅，因为啱哂我口味。夜晚8点几黎大概都仲有位，可以拣位坐，拣左窗口卡位。平时一人一锅多数都系连锁快餐店，呢间就专做一人一锅，所以d食物都有质素d，系一人一锅既新境界。拣左药膳锅，因为可以转牛肉，上次嚟已经食过，质素唔错，个药膳汤底几好饮；另外，朋友叫在个台式麻辣锅，呢个越食越辣。材料新鲜，牛肉好靓；仲有好多丸，佢啲丸唔系普通街边既丸，都系比较特别既丸，每粒都好好味，但每粒丸入面都有馅同汁，小心唔好热亲。个餐仲包埋台式饮品。每人约一百蚊左右，质素唔错，位置又方便。