唂咕

营业中

休息中

今日本身同朋友喺湾仔食中午饭，本身系约一齐食生日饭嘅，朋友拣完餐厅之后，我即刻醒起附近有呢间朱古力饮品店，就决定买埋上去俾佢饮，因为呢间真系我喺香港饮过最好饮嘅朱古力店！首先我为自己叫咗一杯热cocoa milk base，店员都好热心咁样提醒我可以拣植物奶，而有啲lactose intolerance我就拣咗要左oat milk，呢度唔使加钱都有得转植物奶，真系好细心！好钟意呢度嘅朱古力系用上纯天然嘅，完全唔会死甜，而且劲香，感觉都好健康，加埋口感细腻又浓郁，真系每次叫都觉得好好饮。而我帮朋友就拣咗一杯冻almond raspberry嘅特色黑朱古力，朋友饮完之后都大赞劲好味，佢话饮得出个特浓朱古力柔顺滑嘅口感，加埋原本raspberry有少少酸酸甜甜，真系会饮上瘾。所以话真系唔好睇少小店，呢间朱古力特饮真系任何人试过都会话好味！而且我今次嚟发觉佢哋仲有做紧stamp card，真系劲适合我呢啲经常会嚟帮衬嘅客！