影片
更多
2016-04-12
350 浏览
突然鸡煲引起，当日晏昼book好枱，夜晚七点就嚟到，可能就到夏天嘅关系，食客未算好多，入到餐厅，店长见到我哋就讲：原来系你地！对，我同朋友已经各自嚟过四五次，老板都认得，仲记得晒我哋朋友嘅名！前家乐嘅老板，不时会同食客倾计，add埋大家Facebook，post合照，有一次我同两位朋友，三个人食咗两只鸡，破咗餐厅纪录 哈哈。入到餐厅，由左至右都系坐位，地方实用，可以容纳好多客人，适合大型聚会！餐厅光猛，两边都有电视，一路睇一路叹鸡煲，洗手间都好干净企理，觉得整体环境都唔错。除咗鸡煲仲有烧鱼煲，有沙巴龙趸、鲩鱼及桂花鱼，约$188起，鸡煲有麻辣、芝士、香辣鸡蟹煲及花雕醉鸡，半只$138起，一只$238起，不时会推出新口味！而火锅配料选择好多，将点菜纸都填得满满，特级配料靓肥牛，海鲜丸类蔬菜任君选择。今日嚟到，主要系食芝士鸡煲，虽然同行朋友已经食过，但都想再食多次！坐低就即刻嗌半只，就睇下有啲咩来头！见每枱都准备好火炉，餐具及餐牌，纸巾座位都有岩哂我唔怕整污糟，饮品主要都系樽装凉茶或罐装汽水，就点两支竹笋茅根降降火。等左一阵，芝士锅就送上香喷喷的，再加热一下就可以，之后可以教到最细火或熄火
突然鸡煲引起，当日晏昼book好枱，夜晚七点就嚟到，可能就到夏天嘅关系，食客未算好多，入到餐厅，店长见到我哋就讲：原来系你地！对，我同朋友已经各自嚟过四五次，老板都认得，仲记得晒我哋朋友嘅名！
前家乐嘅老板，不时会同食客倾计，add埋大家Facebook，post合照，有一次我同两位朋友，三个人食咗两只鸡，破咗餐厅纪录 哈哈。入到餐厅，由左至右都系坐位，地方实用，可以容纳好多客人，适合大型聚会！餐厅光猛，两边都有电视，一路睇一路叹鸡煲，洗手间都好干净企理，觉得整体环境都唔错。
除咗鸡煲仲有烧鱼煲，有沙巴龙趸、鲩鱼及桂花鱼，约$188起，鸡煲有麻辣、芝士、香辣鸡蟹煲及花雕醉鸡，半只$138起，一只$238起，不时会推出新口味！而火锅配料选择好多，将点菜纸都填得满满，特级配料靓肥牛，海鲜丸类蔬菜任君选择。
今日嚟到，主要系食芝士鸡煲，虽然同行朋友已经食过，但都想再食多次！坐低就即刻嗌半只，就睇下有啲咩来头！见每枱都准备好火炉，餐具及餐牌，纸巾座位都有岩哂我唔怕整污糟，饮品主要都系樽装凉茶或罐装汽水，就点两支竹笋茅根降降火。
等左一阵，芝士锅就送上香喷喷的，再加热一下就可以，之后可以教到最细火或熄火，因为芝士会令锅容易痴底，食之前再捞匀，令到每件鸡肉表面都黏满芝士，夹起是非常连丝，因为锅中用上四款不同芝士，经过店家反覆测试，就成为美味芝士鸡煲，依家都令我回味！
芝士鸡煲 $158/半只
因为芝士会容易烧焦，所以及早熄亦令火鸡肉非常嫩滑，店家选用啖啖肉鸡肉，令人食得特别满足！
芝士鸡煲
$158
21 浏览
0 赞好
0 留言
我总有几个麻甩型好友，一讲到出嚟食饭，都离唔开街边店，系香港咩天气都会打边炉，鸡煲更加系我哋最爱，对爱食鸡嘅朋友嚟讲，系近年最好嘅发明之一！更试过一星期食足四日辣鸡锅。另外，韩流除咗带来Oppa、K-pop、女神，仲为好多菜式添加了"芝"味，系芝士个芝，好味个味！
洋葱炒过后变得柔软，再加上一啲金黄色芝士，香气十足，我都一一食清光，之后再加上上汤，就继续打边炉。
再点咗优质雪花肥牛、芝士竹轮、芫荽、乌冬、娃娃菜，分量都够我哋食到饱一饱！平时会到最后先嗌个乌冬，但呢几次都食得太多配料，无食到最爱嘅乌冬，所以今次就一早嗌个乌冬放喺枱面，一定食到啦！
芝士竹轮 $48嚟前家乐必点嘅芝士竹轮，冇乜餐厅有得食，令钟意食芝士丸嘅朋友有多一个选择，呢个即系狮子狗里面有满满嘅芝士浆，咬落唔小心就会比佢辣亲，我会用筷子夹住一边，再咬开一小口，先试下芝士有几浓味，而且狮子狗唔会太厚，觉得口感比较好！芝士又唔会咁杰，食多几粒都唔怕。
芝士竹轮
$48
12 浏览
0 赞好
0 留言
优质雪花肥牛 $158牛肉非常粉嫩，纹理好靓脂肪分布平均，肉身带有点厚度，将肥牛快灼几下就可以，食落好滑身脂肪唔多，喜欢半熟的程度，有啲似食越南餐生牛肉河，牛味亦相对浓郁！
优质雪花肥牛
$158
11 浏览
0 赞好
0 留言
芫荽 $20 、娃娃菜 $20朋友点芫荽，钟意佢嘅香味，我就食娃娃菜，菜都洗得几干净，份量就可以再多啲，谂谂吓，如果点南瓜或者西兰花都应该几夹！
另外餐厅气氛都唔错，我哋经常落单或者要加汤，佢哋都好快帮到食客，鸡煲亦新鲜即嗌即做，亦唔会有漏单嘅情况，试过几次打黎book枱都一定有人接听，所以系我食鸡煲嘅首选餐厅！
乌冬 $38钟意打边炉嘅朋友都知，识食一定食乌冬，我仲有一个习惯，就系火锅里面嘅水唔可以多，否则味道就无咁好，令到乌冬都索晒浓浓嘅汤底！近年都比较钟意食急冻乌冬，贪佢煮都几耐都仲好弹，配合汤底更好食！我哋就将乌冬分开一半煮，一个净系落芝士煲煮，另一半就加秘制辣椒油，两款同样惹味！
我就系呢种比较麻甩嘅女生，得闲就宅系屋企煲下电视剧，同朋友随便食咩都好，都紧要大家见面，一遇到好似放题烧肉或者芝士，就好似饿狼咁，可能男仔叫做都有啲惊！最好有得饮啲啤酒，绝对唔怕第二朝水肿，哈哈，打扮都离唔开长牛仔裤，可能同其他女仔唔同，我哋唔会成日自拍，但系我哋这友情好真，无咁多是非事，生活随意简单。平均消费$275/位，2位，半只鸡煲+2份小食就+1份靓牛肉+1个乌冬+2份蔬菜＋4支饮品
平时细食啲，大约180蚊位埋单
前家乐餐厅火锅店 Happy Family Restautant
星期一至日: 17:30-02:00
大角咀埃华街119号地下
Tel: 3486 6286
张贴
