小火焰韓式咖啡廳 (金山樓) (已結業)

每个星期日都系阿妈放假嘅日子，所以我一定会叫外卖。平时叫开咩外卖，妈妈都唔满意，仲会喺度话唔好食，但系今次叫咗呢一间佢食到舔舔脷，仲讲之后都可以成日叫🤣🤣🤣。韩式甜辣年糕炸鸡呢个炸鸡真系不得了！𠮶酱真系好有韩国嘅感觉！而且仲有年糕添，感觉唔会太辣，甜辣适中。不过对小朋友来讲可能就唔太合适。我会建议小朋友可以食蜂蜜提子脆米炸鸡！呢个上次叫过都唔错㗎！拉丝芝士BB猪肋骨伴白饭呢个猪肋骨BB就一般般啦，可能因为我系外卖自取，返到屋企已经唔系好热。味道一般建议可以食下其他。泡菜鸡腿肉拌饭好味又抵食！印象中佢唔贵先$58 ，但系够味份量又大，啱晒我呢啲重口味又大食嘅人啊🤣🤣熔岩芝士炸鸡面包呢个我已经睇咗好多次相，真系好想叫！前几次都冇呢一样，今次比我见到有得嗌，马上叫返一个！呢个真系唔会令人失望，啲芝士包冇得输。