影片
更多
2022-10-07
1778 浏览
餐厅：House Of Grace (观塘)地址：观塘鸿图道22号俊汇中心6楼一般楼上Cafe比人感觉都喺嘢食求其、贵夹唔饱，志在有个地方比人Hea吓、成班朋友玩吓board game♟。今次去咗观塘呢间开咗接近3个月嘅House of grace @houseofgrace_hk ，令我对Cafe嘅感觉完全改观😍呢间Cafe虽然喺俊汇中心6楼一间教会里面，不过完全对外开放，Cafe名叫House of Grace💕，顾名思义喺想表达一个充满恩典嘅家💒。原来呢度未开业之前喺一个配合教会做义工嘅场地，过去嘅3-6月仲派出咗超过7000个饭盒，依家间中仲会有饭盒派发活动，而有几个义工就因为理念相近就夹份开咗呢间Cafe，餐厅设计同枱櫈、梳化都比人一种「家」嘅感觉🛋呢度唔收加一，亦可以无限时任坐，每日都会有一到两款Welcome drinks，比所有嚟到嘅人可以免费斟嚟饮，而去𠮶日喺洛神花香片茶同杭菊茶🍵，喺到食嘢、玩Board Game🎲、上吓兴趣班(Eg手冲咖啡、烘焙班)、打趸、温书📚、做嘢📋、休息都一流Cafe大厨之前做开私房菜，所以对食物嘅质素好有要求✊，佢哋大部分食物甚至甜品都喺自
地址：观塘鸿图道22号俊汇中心6楼
一般楼上Cafe比人感觉都喺嘢食求其、贵夹唔饱，志在有个地方比人Hea吓、成班朋友玩吓board game♟。今次去咗观塘呢间开咗接近3个月嘅House of grace @houseofgrace_hk ，令我对Cafe嘅感觉完全改观😍
呢间Cafe虽然喺俊汇中心6楼一间教会里面，不过完全对外开放，Cafe名叫House of Grace💕，顾名思义喺想表达一个充满恩典嘅家💒。原来呢度未开业之前喺一个配合教会做义工嘅场地，过去嘅3-6月仲派出咗超过7000个饭盒，依家间中仲会有饭盒派发活动，而有几个义工就因为理念相近就夹份开咗呢间Cafe，餐厅设计同枱櫈、梳化都比人一种「家」嘅感觉🛋
呢度唔收加一，亦可以无限时任坐，每日都会有一到两款Welcome drinks，比所有嚟到嘅人可以免费斟嚟饮，而去𠮶日喺洛神花香片茶同杭菊茶🍵，喺到食嘢、玩Board Game🎲、上吓兴趣班(Eg手冲咖啡、烘焙班)、打趸、温书📚、做嘢📋、休息都一流
Cafe大厨之前做开私房菜，所以对食物嘅质素好有要求✊，佢哋大部分食物甚至甜品都喺自家制，坚持用料新鲜同保持食物材料嘅原味道同真实性，蔬菜仲严选本地新鲜有机农场嘅货源🥬，最重要每个星期都会设计唔同嘅Lunch Menu菜式，所以每个礼拜嚟都有全新嘅惊喜🎉
✝️HOG全日早餐 $118
基本上大部份人嚟亲都会叫、而且大获好评嘅All Day Breakfast，
里面有嚟自本地元朗菇场嘅有机大啡菇🍄，焗炉温度控制得啱啱好，软嫩爆汁💦；加咗黑松露酱、有阵阵牛油香嘅炒滑蛋；两条纽伦堡肠；香烤菠萝🍍；红菜头青瓜沙律🥒；新鲜多汁嘅蕃茄扒🍅；用柠檬🍋、乳酪、刁草整成嘅自家制柠檬蛋黄酱配有机沙律菜🥗(+$18)；仲有外脆内有千层口感、用生牛角包去焗脆再压成窝夫嘅烟肉芝士牛角酥窝夫🧇。
加$18仲可以换购一杯Cappuccino☕️
✝️红酒炖牛颊肉蝴蝶粉 $98
先将洋葱🧅、红萝卜🥕、蕃茄煮腍，再加入秘制红酒汁去炖；当中用咗4种香料、红酒🍷、黑啤🍺、梳打水、香草🌿，仲唔少得带嚟香辣滋味同可以去除咗牛颊膻味嘅黑椒，同埋加咗无乜人识嘅咖啡去提升牛颊肉层次香味。
牛颊肉要前一日准备，先煎再封汁，再以低温去炖煮，牛颊肉充满筋同脂肪，血管多而带出牛肉味浓郁嘅特质🐮，食落惹味出色，睇得出大厨落咗唔少心机去整❤️
✝️特浓「多层」三重朱古力蛋糕 $48
无麸质嘅多层特浓朱古力蛋糕，朱古力味浓郁而且一啲都唔溜🍫，
食落顺口柔滑有多重口感，食得出用料讲究，嚟到一定要试吓😋
✝️布甸版咖啡雪糕 $48
咖啡雪糕Affogato呢款意式甜品就成日听得多🍨，House of Grace就发挥谂头🧠，on top喺Affogato上面再加入布甸，令甜品无咁单调，
除咗香醇嘅Espresso咖啡香，仲有粒粒云呢拿籽嘅云呢拿雪糕同充满蛋奶香嘅布甸，食完超级满足😎食到咁上下，就算成间Cafe坐满晒人踢晒脚，大厨都专登走出嚟问每一枱客人对食物嘅意见👨🏼🍳，凭呢一下举动就知道呢间Cafe对每一个细节有几咁用心🥰
张贴
