金鳳茶餐廳

营业中

休息中

要数香港特色美食，茶餐厅的沙嗲牛肉面一定系我心目中的首选。系香港要揾沙嗲牛肉面真系一间都系，但系要揾到好食的沙嗲牛肉面一D都唔易。兴幸系湾仔番工可以食到一间令我满意的茶记，永远都需要排队的金凤！金凤名气之大，甚至见过外国游客拎住旅游书摸上门，可谓系湾仔区的澳牛！座位比较迫，但系大家都习惯呢种身贴身的饮食文化，互相礼让。呢度的冻啡同埋冻奶茶都系冰镇，即系唔会加冰，令到饮品唔会愈饮愈淡，保持浓郁的味道。冻奶茶够哂滑，而且茶味好香，入口好舒服。奶味刚刚好，唔会太甜。沙嗲汁超多的牛肉面，牛肉超多，而且沙嗲汁非常入味。面质唔会煮得太腍，保持面质的爽口。最钟意系佢超多沙嗲汁，令到汤味够哂浓，唔会好似出面D茶记只系放味精。超爱金凤的奄列，绝对唔系出面茶记D行货。奄列大大份，而且劲厚，差唔多可以遮哂成只碟。蛋煎得唔会过老，切开奄列重有少量蛋汁流出黎，伴埋超够料的火腿真系好过瘾。菠萝包超厚超大个，表面脆卜卜，好香牛油味。伴碟的有一旧牛油，可以自行选择是否切开面包夹住食。呢个，呢度的鸡批同埋蛋挞都系推介之选，15-30分钟就出一盘热辣辣又胀卜卜的批挞出黎，超好食！