辣吧 (已結業)

俾呢间餐厅嘅海鲜大咖吸引😍可以简六款或者八款嘅海鲜🌊师傅每日去街市挑选新鲜嘅海鲜🤩食材系会根据当日海鲜嘅新鲜度调整，所以餐厅嘅海鲜质素都有保证😆！同妈咪两个人食，所以叫左六款海鲜大咖，海鲜有鲍鱼、扇贝、膏蟹、花甲、鱿鱼筒同埋虾呢六种🥰 除左海鲜外，仲可以自选四种配料，简左豆卜、金针菇、白萝卜同埋土豆粉。至于口味方面，有三种口味可以简，有蒜蓉、冬荫公同麻辣。因为妈咪唔食得辣，所以就简左蒜蓉味，所以就算唔食辣都冇问题🤗好满意当日嘅海鲜，每一款都好新鲜🤤膏蟹嘅膏多到每啖都系鲜甜嘅蟹膏😋扇贝同埋虾都好大只☺️，花甲每粒嘅肉都好肥美🤣仲有原只鲍鱼，鱿鱼筒嘅数目都唔吝啬。汤底系蒜蓉味，海鲜非常入味同埋野味，自选配料简一d蔬菜嘅话，可以减少油腻感，比较健康😊。最后同妈咪系食唔晒个海鲜大咖，因为实在太丰盛太足料😂 但非常满足，无论材料定系调味都好有心思。除左食物外，餐厅嘅装潢古色古香，几有特色架！觉得今次完全冇黎错，下次会想同朋友再黎试食下热锅串串🍢🍢😌