味力冰室

营业中

休息中

每次放lunch 行过附近就见到呢个餐厅排哂长龙，我一个人易揾位，咁岩又唔知食咩好，就黎试下佢既常餐/叉烧蛋饭有几好食。Turnover快既餐厅，一坐低就有人写野。野饮好快就黎左，个饭转头都黎埋，效率够高。个饭既size ok，但就唔系好知点解周围有咁多唔知系蛋汁定酱汁既汁喺度。味道还好，个甜豉油汁正正常常既。蛋都算滑，但个叉烧就真系太瘦。对我呢d注重口感既人黎讲，佢既叉烧实在太瘦太韧，唔系好掂。对上一次黎食就系食常餐，都系跟叉烧，印象中都系比较韧既叉烧。唔知食瘦叉系询众要求定咩，我就钟意半肥瘦既。眼见附近愈开愈多类似既餐厅，鲗鱼涌站附近多左一间，太古果边又有敏华，康怡入面又有一间。虽然餐厅多，食饭既人仲多，但竞争都唔细。