哈比斯燒肉串和咖哩 (鴻圖中心)

营业中

休息中

是日又到了爱琴坊揾食，贪呢度款式多又就脚，今日就黎试左印度野。全店都系外籍人士，貌似好正宗，哈哈。是日有咖哩鸡饭，鸡卷同鸡沙律做特价，店内仲有好多野拣，但花多眼乱，初黎报告，就先试最多人点嘅鸡卷先。两三下手势店员就卷好了，可以拣辣与不辣，我就拣左mild spicy小辣啦，怕太辣食唔到嘛。饮品加了呢支lassi，一向觉得印度酸乳酪好好饮，呢支系芒果味。有营养标签㗎，糖份都几高㖞，但饮落又唔觉好甜，好重奶味同好杰身，感觉似甜品多过饮品，哈哈。是日special嘅烤鸡哈比斯，好大件呀～内里包著生菜，生洋葱，蕃茄，烤鸡肉，再淋上大量酱汁，正呀喂！好大条，一口咬唔晒，啖啖菜好清新，中间食到不少鸡肉，小辣酱汁啱啱好，辣辣酸酸够开胃，好味好味。真系几好味，想试晒咁多日添。