Lo Spazio (已結業)

如果唔系朋友带我嚟，我都唔知有间咁嘅隐世餐厅。餐厅主要系外籍人士招呼嘅，不过餐牌都有中英对照，而且环境宽敞，坐得舒适，好啱三五知己饮嘢倾计。今晚我哋食咗：烧烤慢煮牛舌 - 好好食而且抵食，$68有两串，由于牛舌系慢煮，所以有口感之余唔会好韧；酥炸鬼佬云吞 - 呢个都系好好食，特别系中间𠮶个自家制番茄酱，我同朋友系将佢K.O.晒🤣🤣；手制肉丸意粉 - 肉丸意粉就普普通通冇乜特别；慢烤半鸡 - 呢个鸡我朋友最钟意，因为好juicy ，虽然得半只但系好适合两位女生嘅份量。我最钟意佢每日都有优惠：星期日海鲜半价，星期一牛扒半价，星期二至星期六酒有半价。